Менделеевские новости
  • Рус Тат
  • Спорттан башка тормыш юк

    Шимбә көнне район спортчылары Физкультурачылар көнен билгеләделәр. Алар өчен бәйрәм спортның яраткан төрләре белән шөгыльләнү өчен сәбәп булды. Иң активлар һәм көчле рухлылар "Химик" стадионына җыелдылар. Аларга район башкарма комитеты җитәкчесе урынбасары Павел Миронов мөрәҗәгать итте. Тантаналы өлештән соң командалар футбол уенын башладылар. Алар өчен җан атарга туганнары һәм якыннары...

    Шимбә көнне район спортчылары Физкультурачылар көнен билгеләделәр.
    Алар өчен бәйрәм спортның яраткан төрләре белән шөгыльләнү өчен сәбәп булды. Иң активлар һәм көчле рухлылар "Химик" стадионына җыелдылар. Аларга район башкарма комитеты җитәкчесе урынбасары Павел Миронов мөрәҗәгать итте.
    Тантаналы өлештән соң командалар футбол уенын башладылар. Алар өчен җан атарга туганнары һәм якыннары килде. Пермяковлар гаиләсе тулы составта диярлек. Әнисе, әбисе, бабасы һәм апасы Владимирны һәрвакыт хуплыйлар.
    - Безнең Володя, абыйсы кебек үк, футбол белән бала чактан мавыга. Үзе дә уйный, телевизордан да карый. Ә без матчларга килергә, аның уңышларына шатланырга яратабыз, - диләр якыннары.
    Волейбол мәйданчыгы да буш тормый. Кызлар һәм егетләр азарт белән көчлелектә һәм җитезлектә ярышалар.
    - Спорттан башка тормышымны күз алдына китерә алмыйм, - ди Эльмира Сәләфиева. - Волейболга өстенлек бирәм, җиде ел шөгыльләнәм. Аңа буш вакытымны багышлыйм. Быел мәктәпне тәмамладым, югары уку йортына кердем.
    Кыз шулай ук җиңел атлетика белән мавыга. Бу дисциплинада, Лариса Назаровадан һәм Екатерина Мироновадан калышып, өченче урынны яулаган. Егетләр арасында Илья Шаһабетдинов, Илдар Фаразетдинов һәм Марс Ахунҗанов лидерлар өчлегендә.
    Стадионда шулай ук мөмкинлекләре чикле кешеләр өчен ярышлар узды. 13 кеше 60 метрга йөгерүдә, озынлыкка сикерүдә һәм шашка, шахмат уеннарында көчләрен сынады. Татьяна Мостаева, Евгений Костин, Рөстәм Миңнегәрәев, Татьяна Тарасова, Николай Прохоров абсолют лидерлар булдылар.
    Шул ук көнне Боз сараенда Яр Чаллы һәм Менделеевск командалары арасында уен оештырылды.
    - Хоккейны бик яратам, - дип бүлеште "Дуслык" хоккей клубы уенчысы Ренат Стрепетов. - Менделеевскига һәрвакыт теләп киләбез, биредә боз да яхшырак, шөгыльләр дә арзанрак.
    Менделеевск җыелма командасы беренче минутлардан ук оттыра, ләкин бу егетләрнең кәефен төшерми.
    - Бүген уңыш безнең яклы түгел, ләкин начар уйнамыйбыз, көрәш тигез бара, - дип билгели Юрий Нискородов.
    Медицина хезмәткәре Әлфия Шаргородцева әзерлек сызыгында.
    - Төрле хәлләр туа, кирәк чакта беренче ярдәм күрсәтер өчен барлык уеннарда һәм шөгыльләрдә булам.
    Гөлүзә Гыйләҗетдинова автор фотолары

    Реклама

    Подписывайтесь на Telegram-канал «Менделеевские новости»

    Telegram-канале Татмедиа
    Подробнее: http://mendeleevskyi.ru/news/stati/v-rossii-khotyat-sokratit-novogodnie-prazdnichnye-dni-v-2021-godu

    Следите за самым важным и интересным в Telegram-канале Татмедиа


    Нравится
    Поделиться:
    Реклама
    Комментарии (0)
    Осталось символов: