Менделеевские новости
  • Рус Тат
  • Акционерлар жыелышы

    Узган жомгада С.Гассар исемендәге мәдәният сараенда Карпов исемендәге химия заводы акционерларының гомуми жыелышы булды. Анда заводның җитештерү коллективлары делегатлары, совет ветераннары, шәһәр оешмалары вәкилләре, кунаклар чакырылды. Барлыгы 250 акционер-кворум тәшкил итте. Җыелышта директорлар советы әгъзалары - "Нижнекамскнефтехим" ААҖ генераль директоры В.Бусыгин, ТР Президенты ярдәмчесе Р.Сабиров, "Татнефтехиминвест-Холдинг" ААҖ генераль директоры Р.Яруллин,...

    Узган жомгада С.Гассар исемендәге мәдәният сараенда Карпов исемендәге химия заводы акционерларының гомуми жыелышы булды. Анда заводның җитештерү коллективлары делегатлары, совет ветераннары, шәһәр оешмалары вәкилләре, кунаклар чакырылды. Барлыгы 250 акционер-кворум тәшкил итте.
    Җыелышта директорлар советы әгъзалары - "Нижнекамскнефтехим" ААҖ генераль директоры В.Бусыгин, ТР Президенты ярдәмчесе Р.Сабиров, "Татнефтехиминвест-Холдинг" ААҖ генераль директоры Р.Яруллин, Менделеевск муниципаль районы җитәкчесе И.Привалов һ. б. лар катнашты.
    Җәмгыятьнең директорлар Советы рәисе В.Бусыгин җыелышны ачып җибәрде һәм көн тәртибе белән таныштырды. Заводның генераль директоры Д.Шәмсинга 2011 елдагы эшчәнлеге нәтиҗәләре белән таныштыру өчен сүз бирелде.
    Дамир Рәфисович химия предприятиесенең узган елдагы эшчәнлегенең төп юнәлешләре һәм 2012 елда үсеш фаразлары турында кыскача мәгълүмат бирде.
    Аннан предприятиенең баш бухгалтеры Л.Шәймор-данованың финанс эшчәнлеге турында доклады тыңланды.
    Акционерлар җыелышы дәвамында директорлар советы, ревизион комиссиянең яңа составы сайланды, яңа редакциядә җәмгыятьнең уставы расланды.
    "Урта Идел экспертлык бюросы" акционерлык җәмгыятенең аудиторы буларак билгеләп үтелде һәм тикшерү нәтиҗәләре игълан ителде.
    Көн тәртибендәге мәсьәләләрне тикшерү тәмамлангач, ТР Президенты ярдәмчесенә сүз бирелде. Акционерларга мөрәҗәгать итеп, Р.Сабиров 2011 ел Россия, Татарстан өчен генә түгел, химия заводы өчен дә катлаулы, ләкин нәтиҗәле ел булды, дип билгеләп үтте. Ринат Касыймович, менделеевлылар алга куелган бурычларны лаеклы үтәрләр дигән ышаныч белдерде.
    Район башкарма комитет җитәкчесе И.Привалов Менделеевск шәһәрен заводтан башка күз алдына китереп булмавын ассызыклады, заводлылар гасырлар буена тупланган традицияләрне дәвам итәрләр, 2012 елда предприятиенең җитештерүчәнлеге тагын да артыр, дивидентлар да үсәр дигән фикер яңгыратты. Алдан билгеләнгән традиция буенча акционерларның гомуми җыелышы ябык дип игълан ителгәннән соң, яңа сайланган директорлар Советының беренче оештыру утырышы булды. В.Бусыгин бертавыштан Совет рәисе итеп сайланды, Л.Карпов исемендәге химия заводы ААҖ генераль директоры вазифалары кабат Д.Шәмсинга тапшырылды, совет әгъзалары моны бертавыштан раслады. Акционерлык җәмгыятенең социаль һәм милек мәсьәләләре бүлеге начальнигы Р.Мөхәммәтшин директорлар советы секретаре итеп сайланды.

    Нравится
    Поделиться:
    Реклама
    Комментарии (0)
    Ночной режим