Хезмәт даны кичәсе
Яңа ел алдыннан "Юность" район мәдәният йортында традициягә кергән Хезмәт даны кичәсе узды. Бәйрәмгә килгән һәм дулкынланган тантана геройлары беренче рәтләрдә урын алды. Хуплау төркеме әгъзалары - район һәм шәһәрнең хезмәт коллективлары вәкилләре тамашачылар булды. - Елның иң лаеклы хезмәткәрләрен, шәһәрнең Почетлы гражданнарын бүләкләү өчен мин канәгатьләнү белән сәхнәгә менәм,...
Яңа ел алдыннан "Юность" район мәдәният йортында традициягә кергән Хезмәт даны кичәсе узды.
Бәйрәмгә килгән һәм дулкынланган тантана геройлары беренче рәтләрдә урын алды. Хуплау төркеме әгъзалары - район һәм шәһәрнең хезмәт коллективлары вәкилләре тамашачылар булды.
- Елның иң лаеклы хезмәткәрләрен, шәһәрнең Почетлы гражданнарын бүләкләү өчен мин канәгатьләнү белән сәхнәгә менәм, - диде район башлыгы Игорь Привалов.
Менделеевск районының Мактаулы гражданнары таныклыгы тапшырылган дәүләт службасы ветераннары Тәскирә Галеева һәм Петр Федоров, ТРның атказанган табибы, онколог Рифкат Таҗиев беренчеләрдән булып сәхнәгә күтәрелделәр.
Карпов исемендәге химия заводы генераль директоры Дамир Шәмсинны "Алтын йөрәкле кеше" номинациясендә бүләкләп, Игорь Анатольевич аның ТР Президентының 28 декабрьдәге Указы белән "Республиканың атказанган химигы" исеменә лаек булуын игълан итте.
- Бу минем кечкенә серем иде, - дип билгеләп китте Игорь Привалов, - без Указның копиясен алып кайттык, ә значокны һәм таныклыкны республика башлыгы тапшырачак.
.jpg)
Бу көнне районның иң яхшы хезмәткәрләре көчле алкышлар астында сәхнәгә менделәр. Алар арасында - ишегалды себерүче Нина Андреищева - күпбалалы ана, хезмәт сөючән һәм тыйнак кеше, шәһәр халкында лаеклы ихтирам казана.
Фәймә Бажанова елның иң яхшы аппаратчысы буларак бүләкләнде, химия заводында 25 елдан артык эшли. Биредә әнисе, кайнанасы, туганы, ире хезмәт куйганнар, Бажановлар династиясен кызлары Жанна дәвам итә. Фәймә Гыйльметдиновнаның хезмәт уңышларына туганнары, дүрт баласы һәм биш оныгы чын күңелдән шатланды.
Ирина Ивановна Чупина өчен "Ел табибы" дигән мактаулы исем - лаеклы бүләк. Ул ничәмә менделеевлыга тормыш шатлыгы бүләк иткән, авыруларын җиңеләйткән.
Елена Дунаева "Елның алтын тавышы" номинациясендә бүләкләнде һәм моны "Юность" РМЙ триосы составында япон телендә заманча Менделеевск өчен актуаль һәм оригиналь композиция башкарып раслады.
Бәйрәм программасына искиткеч номерлар керде: тамашачыны "Шаян" һәм "Кристалл" ансамбльләренең очкынлы композицияләре, Алия Абрамова һәм Марина Комарова дуэты, авыл клубларының фольклор ансамбльләре һәм башкалар чыгышлары куандырды.
О.Смолькова
Р.Сәхапов фотосы
-
23 апрель 2018 - 15:36Бюджет өлкәсендә эшләүчеләрнең хезмәт хакы арта 1 майдан минималь хезмәт хакы 11 мең 163 сумны тәшкил итәчәк.
-
19 апрель 2018 - 15:55Казанда FIFA төп билет сату үзәге ачылды Бу үзәктә апрель ахырына кадәр FIFA сайтында сатылган билетларны алырга була.
-
18 апрель 2018 - 13:15Футбол буенча дөнья чемпионаты матчларына билет сатуның йомгаклау этабы башлана Чемпионатны оештыручылар җанатарларга билет сатып алуны сузмаска киңәш итә.
-
18 апрель 2018 - 08:07Казанда узачак футбол буенча дөнья чемпионаты матчларына 2 миллионнан артык билет сатылган ЧМ-2018 матчларына билетларның яртысыннан артыгын чит ил җанатарлары алган.
-
6 апрель 2018 - 14:03Җырларда – халкыбыз тарихы С.Гассар исемендәге мәдәният сараенда халык ветераннары хорының “Минем адрес – Советлар Союзы” исемле егерменче йөзьеллыкның 70 нче елларына багышланган отчет концерты узды.
-
4 апрель 2018 - 13:46Подписка өчен фотоаппарат “Менделеевские новости”, “Менделеевск яңалыклары” әбүнәчеләре арасында чираттагы бәйге игълан итә.
-
30 март 2018 - 13:31Мин бай дәү әни! Наҗия Хаҗиеваны котлауны район башлыгы Валерий Чершинцев шундый сүзләрдән башлады.
-
21 март 2018 - 16:16Аның җырлары һәрвакыт үз тамашачысын таба Иске Гришкин мәдәният йорты директоры Виктор Япаев һөнәри бәйрәмен табигый мохиттә билгеләячәк.
-
23 апрель 2018 - 15:36Бюджет өлкәсендә эшләүчеләрнең хезмәт хакы арта 1 майдан минималь хезмәт хакы 11 мең 163 сумны тәшкил итәчәк.
Ночной режим
Телефон АО «ТАТМЕДИА»: (843) 222 09 84