Минем тормышым – брейк-данс

автор, 18 гыйнвар 2013 - 04:36

Һөнәрләре буенча иң яхшыларны данлау узган елга нәтиҗә ясау булды. Алар арасында "Мастер" үсмерләр клубы тренеры Сергей Улько да бар. Вәсилә Мортазина - Сигез ел элек энергияле егетләрдән команда туплау идеясе башка килде, - дип бүлешә ул. - Һәм теләк чынга ашты. Брейк-данста, тормыштагы кебек үк, уңышка ирешергә теләсәң, үз...

Һөнәрләре буенча иң яхшыларны данлау узган елга нәтиҗә ясау булды. Алар арасында "Мастер" үсмерләр клубы тренеры Сергей Улько да бар.

Вәсилә Мортазина

- Сигез ел элек энергияле егетләрдән команда туплау идеясе башка килде, - дип бүлешә ул. - Һәм теләк чынга ашты. Брейк-данста, тормыштагы кебек үк, уңышка ирешергә теләсәң, үз өстеңдә даими эшләргә, күп шөгыльләнергә кирәк. Хәзер мин икенче мәктәптә һәм "Мастер" клубында шөгыльләр алып барам. Уннан 17 яшькәчә 50 кешене җәлеп иттем, егетләр белән беррәттән кызлар да бар. Янәшәдә Нәҗип Миңнекәев, Руслан Фатыйхов, Антон Капитов, Владислав Толах, Лия Садриева кебек тарафдарлар булуы куандыра. Алар - төп составтагы брейк-дансчылар, һәркайсы диярлек мөстәкыйль укыта ала. Бишенче сыйныфта укучы Лиза Аксёнова - шәһәрнең иң яшь би-герлзларының берсе.

Брейкерлар телендә брейк-дансны тагын "би-боинг" дип атыйлар икән, димәк, биюче кызлар - "би-герлзлар", ә егетләр - "би-бойс". Сергей сүзләренчә, дөрес шөгыльләнсәң, брейк-данс сәламәтлеккә уңай йогынты ясый: тән мускулларын ныгыта, тонусны күтәрә, сыгылмалылыкны һәм пластиканы, көчне һәм сабырлыкны арттыра.

- Бу иҗади бию, һәркем даими ниндидер яңалык кертергә тиеш. Минем өчен брейкинг - стандарт уйлаудан азатлык, энергия алу чыганагы. Ул - без үзебезне үзебез чикләгән кысалардан азат мәдәният. Бию миңа кешеләргә, дөньяга, үземә башкача карарга ярдәм итте.

Сергей Йошкар-Олада ракета гаскәрләрендә хезмәт иткән, читтән торып спорт һәм туризм академиясенең 5 нче курсында укый.

Би-бойс Антон Капитов болай ди:

- Брейкинг миңа ачылырга, үземне ышанычлырак тоярга ярдәм итте. Мин курыкмыйча урамда да бии һәм чыгыш ясый алам. Егетләр белән үз хисабыбызга Татарстанны урап чыктык, Самарада, Ижевскида, Тольяттида, Ялтада чыгыш ясадык. Мәскәүдә "Минута славы" тапшыруында булдык. "Сникерс Урбания", "Нью-Йорк Батл", "Винтовка", "Танцуй, планета" фестивальләрендә катнашып, призлы урыннар алдык.

- Брейк-данс һәр кешедә ритм, ирек, грация һәм позитив хисен үстерә, - дип өсти Владислав Толах. - Җәрәхәтләр алмас өчен, дөрес шөгыльләнергә, элементар үз-үзеңне саклау инстинктларына колак салырга, махсус кием кияргә кирәк. Командабыз безнең өчен икенче гаиләгә әверелде, анда һәркем үзенчә уникаль. Ә бергә без - көч!

Нравится

Комментарии (0)

Топ бит

© 2011 - 2018. Менделеевские новости. Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: Менделеев яналыклары (Менделеевские новости)
№ свидетельства о регистрации СМИ, дата: ЭЛ № ФС 77 - 47615 от 07.12.2011
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Искандарова Джулия Анатольевна
Адрес редакции: 423650, г. Менделеевск, ул. Фомина, д. 20
Телефон редакции: (85549) 2-14-55

paradox_12@mail.ru

Учредитель СМИ: АО «ТАТМЕДИА»
Политика о персональных данных

Телефон АО «ТАТМЕДИА»: (843) 222 09 84

;

16+