Менделеевские новости
  • Рус Тат
  • Спорт – стимул буларак

    "Патриот" яшүсмерләр клубының спорт залы шөгыльләнергә теләгән физик мөмкинлекләре чикле менделеевлыларны кабул итәргә әзер. Без булган көнне анда Р.Миңнегәрәев һәм Н.Прохоров күнекмәләр ясыйлар иде. - Без җиңел атлетика буенча республика чемпионатына әзерләнәбез, - диләр инвалид спортчылар. Николай Иванович ел ярым элек гаиләсе белән Чаллыдан Менделеевскига күчеп килгән. Ул балачактан инвалид....

    "Патриот" яшүсмерләр клубының спорт залы шөгыльләнергә теләгән физик мөмкинлекләре чикле менделеевлыларны кабул итәргә әзер.

    Без булган көнне анда Р.Миңнегәрәев һәм Н.Прохоров күнекмәләр ясыйлар иде.
    - Без җиңел атлетика буенча республика чемпионатына әзерләнәбез, - диләр инвалид спортчылар.
    Николай Иванович ел ярым элек гаиләсе белән Чаллыдан Менделеевскига күчеп килгән. Ул балачактан инвалид. Әмма, бернигә дә карамастан, гомере буена эшли һәм физик культура белән шөгыльләнә.
    - Озак еллар җиңел атлетика, велосипед, шахмат һәм шашка уеннары белән мавыгам. Төрле дәрәҗәдәге спорт ярышларында катнаштым һәм катнашачакмын, - ди Николай Иванович. - Спорт тормышымда ярдәм итә, көч, яшәү дәрте өсти, актив, файдалы ял итә белергә өйрәтә.
    Ветеранның архивында грамоталар һәм медальләр күп. Шахмат яратучы менделеевлылар Н.Прохоровның мөмкинлекләренә лаеклы бәя бирделәр, ул спорт мастерына кандидат. Николай Иванович ветераннар советы тормышында актив катнаша, әйләнә-тирәдәгеләргә оптимизм рухы өсти белә.
    Кул кушырып тик утырырга яратмый ул. Хатыны, өч кызы һәм оныкларының беренче ярдәмчесе, киңәшчесе.
    - Оныклар институтта укый, ярдәм итәргә кирәк, - дип елмая Н.Прохоров. - Шуның өчен эшмәкәрлек белән шөгыльләнәм.
    Намус белән яшәү һәм эшләү - ветеранның девизы.

    Нравится
    Поделиться:
    Реклама
    Комментарии (0)
    Осталось символов: