Менделеевские новости
  • Рус Тат
  • Сугышлар кабатланмасын

    Әфган сугышы юлларын узган менделеевлыларга тирән хөрмәт күрсәтү, Ватан алдындагы изге бурычын намус белән үтәп, сугыш кырында һәлак булганнарны искә алу өчен сугыш һәм хезмәт ветераннары, предприятие, оешма һәм учреждениеләр хезмәт коллективлары җитәкчеләре һәм вәкилләре, мәктәп укучылары шәһәр мәйданына җыелды. Көн геройларын сәламләп, алып баручы Виктор Никифоров район башкарма комитет...


    Әфган сугышы юлларын узган менделеевлыларга тирән хөрмәт күрсәтү, Ватан алдындагы изге бурычын намус белән үтәп, сугыш кырында һәлак булганнарны искә алу өчен сугыш һәм хезмәт ветераннары, предприятие, оешма һәм учреждениеләр хезмәт коллективлары җитәкчеләре һәм вәкилләре, мәктәп укучылары шәһәр мәйданына җыелды.
    Көн геройларын сәламләп, алып баручы Виктор Никифоров район башкарма комитет җитәкчесе урынбасары Алексей Корниенкога митингны ачу өчен сүз бирде.
    Әфганстан сугышында катнашканнарга мөрәҗәгать итеп:
    - Еллар яшен тизлеге белән уза, ләкин Әфган сугышы белән бәйле вакыйгалар безнең хәтердән җуелмый саклана.
    Менделевскидан 80 егет, үз өлешләренә тигән сынауны лаеклы һәм намус белән үтәделәр. Бүгенге көндә алар районның иҗтимагый-сәяси тормышында актив катнашалар, яшь буын өчен остазлар һәм аларны патриотик рухта тәрбияләүдә үзләреннән өлеш кертәләр. Без сезнең батырлыгыгыз алдында баш иябез һәм:
    "Сугыш беркайчанда булмасын дип кабатлыйбыз".
    Хәрби комиссар Дамир Вәлиев һәм сугышчы-интернационалистлар берлеге рәисе Сергей Поспелов митингка җыелганнар алдында чыгыш ясадылар.
    - Әфганстандагы канкойгыч сугышта 15 меңнән артык егетнең гомере өзелде. Безнең якташларыбыз Андрей Семенов һәм Владимир Куршаков та яу кырында башларын салдылар.
    Менделеевлылар бер минутлык тынлык һәм өч катлы залп белән аларны искә алды. Бу көнне Ватанның фидакарь егетләрен тәрбияләп үстергән аналар хөрмәтенә ихластан рәхмәт сүзләре яңгырады.
    Сабырлык, түземлек күрсәткән өчен Анна Матвеевна Семенова һәм Раиса Максимовна Куршаковага район җитәкчелеге исеменнән чәчәк букетлары тапшырылды.
    Мемориалга чәчәк бәйләмнәре һәм гирляндалар салу белән митинг тәмамланды. Әфган сугышы ветераннары истәлеккә фотога төштеләр. Кичә С.Гассар исемендәге мәдәният сараеның банкет залында дәвам итте.

    Нравится
    Поделиться:
    Реклама
    Комментарии (0)
    Осталось символов: