Менделеевские новости
  • Рус Тат
  • Якты эз калдырырга

    3 августта хезмәт ветераны Зарифа Әхмәтшиновна Готинаны район җитәкчелеге 90 яше тулу белән котлады. Район башлыгы урынбасары Рөстәм Хәбибуллин, котлау сүзләре юллап, юбилярга Россия Президенты Владимир Путиннан истәлек открыткасы тапшырды. Тантана хуҗасының - татар халкының милли гореф-гадәтләре һәм традицияләре атмосферасында үскән тыйнак ханымның җылы котлау юлларыннан, хезмәт казанышларын танудан күңеле...

    3 августта хезмәт ветераны Зарифа Әхмәтшиновна Готинаны район җитәкчелеге 90 яше тулу белән котлады.
    Район башлыгы урынбасары Рөстәм Хәбибуллин, котлау сүзләре юллап, юбилярга Россия Президенты Владимир Путиннан истәлек открыткасы тапшырды. Тантана хуҗасының - татар халкының милли гореф-гадәтләре һәм традицияләре атмосферасында үскән тыйнак ханымның җылы котлау юлларыннан, хезмәт казанышларын танудан күңеле нечкәрде.
    Зарифа апа өлкән буын кешеләрен кайгыртучыларга ихлас рәхмәт белдерде.
    - Без бүләкләргә һәм хөрмәтләргә гадәтләнмәгән. Тормыш катлаулы иде, күп эшләргә туры килде. Ә хәзер безне онытмаулары куанычлы.
    Юбилярны Социаль яклау идарәсе начальнигы Әлфия Салаватуллина һәм сугыш һәм хезмәт ветераннары советы рәисе Любовь Сорокина җылы тәбрикләделәр, аңа район җитәкчесе Игорь Приваловтан котлау адресы һәм бүләк тапшырдылар.
    Зарифа Готинага тугыз дистә ел икәненә ышанасы да килми. Ул көр күңелле, хәтеренә дә зарланмый. Фатирында чисталык һәм тәртип. Тәрәзәләрдәге ап-ак пәрдәләр, карават япмалары, өстәлдәге салфеткалар җылылык һәм уңайлылык атмосферасы тудыра. Янәшәсендә бергәләп дүрт бала үстергән яраткан тормыш иптәшенең булмавы гына кызганыч. Өлкәннәре Йосыф хәзер пенсиядә, кечеләре Юнес - районда әйдәп баручы "Резедә" төзелеш оешмасы директоры.
    Ике улы да һөнәре буенча балта остасы булган әтиләре юлыннан киткән. Кызлары еракта яши: берсе - Кавказда, икенчесе - Архангельск өлкәсендә. Ләкин, мөмкинлекләре булган саен, әниләре янына кайтырга, аңа игътибар һәм кайгырту күрсәтергә ашыгалар.
    Язмабыз герое тумышы белән Мамадыш районыннан. Әти-әнисе крестьяннар була, кече яшьтән хезмәткә өйрәтеп, биш бала тәрбиялиләр. Готиннар нәселен ун оныклары дәвам итә.
    - Гаиләдә артык муллык булмаса да, әти-әни безгә югары белем бирде. Һәрберебез тормышта үз урынын тапты. Әнием 15 яшеннән колхозда эшли башлый. Сугыш вакытында окоплар казый. Кияүгә чыккач, Свердловск өлкәсенә күчә, аннан - Кавказга, биредә санитарка булып эшли һәм күп пациентларының йөрәгендә якты эз калдыра, - дип сөйли Юнес Александрович. - Менделеевскига Казан төзелеш институтын тәмамлагач юллама буенча җибәрделәр. Аннан соң әти-әниемне дә алып килдем. Әни өчен иң мөһиме - сәламәтлек. Ә калганында ярдәм итәрбез.
    Нравится
    Поделиться:
    Реклама
    Комментарии (0)
    Ночной режим