Менделеевскида мобилизацияләнгәннәр белән очрашу узды

Түгәрәк өстәл артында чәй эчкәндә сугышчылар район җитәкчелеге һәм хезмәт вәкилләре белән дулкынландырган проблемалар турында фикер алыштылар, яңалыклар белән бүлештеләр.
Район башлыгы исеменнән җыелганнарга аның урынбасары Ләйсән Галиева мөрәҗәгать итте. Ул солдатларга фидакарьлекләре, Ватанны саклаулары өчен рәхмәт белдерде, сугышчы-якташларның балаларны тәрбияләүдәге ролен ассызыклады.

«Сезнең мисалыгызда үсеп килүче буынны патриотизмга өйрәтәбез. Бүген без ялгыш идеологиянең никадәр киң таралганын һәм аның белән көрәшү сезнең җилкәгезгә төшкәнен үз күзләребез белән күрәбез. Туган ил чакыруын кабул иткәнегез өчен рәхмәт», — диде ул мобилизацияләнгәннәргә.

Шулай ук җыелганнар һәм аларның якыннары туган проблемалар турында сөйләделәр. Хәрби комиссар Сергей Залуженко ешрак барлыкка килгән сорауларга җаваплар бирде. Шуларның берсе-кирәкле документларны рәсмиләштерү яки югалганнарны торгызу. Аннары сүзне Иҗтимагый совет рәисе Сәлим Хәбибуллин алды. Ул Ватанны саклаучыларны героизацияләү кирәклеген билгеләп үтте.

Халыкны явыз ниятлеләрнең гамәлләреннән саклау да алгв планда тора. Хәзер алар алдында өлкәннәр генә түгел, урта яшьтәгеләр дә зыян күрә. Шуңа бәйле рәвештә полиция начальнигы Роман Водников җыелганнарны мошенникларның гамәлләреннән кисәтте.