3 нче мәктәптә капиталь ремонт 75 процентка үтәлде

Район башлыгы Радмир Беляев үзенең командасы белән шәһәрнең төзелеш объектлары буйлап йөргәндә әлеге мәгариф учреждениесенә дә тукталды.
Эш актив бара, сыйфатына дәгъва юк. Якын-тирә территорияне төзекләндерү, спорт мәйданчыклары, яктылык булдыру, яшелләндерү мәсьәләләре турында сөйләштеләр. СКУД-системалалар урнаштыру, җиһазлар һәм техника белән тәэмин итү буенча әзерлек этаплары бара. Фасад буенча эшләр 50 процентка үтәлгән.