Беренче мәктәптә 11 нче сыйныфтан 45 укучы чыгарылды

Советлар Союзы Герое Фомин исемендәге беренче гомумбелем мәктәбендә 9 нчы һәм 11 нче сыйныфта укучы 96 чыгарылыш өчен соңгы кыңгырау бәйрәме булды. 

Чыгарылышлар һәм аларның ата-аналары алдында район җитәкчесе Радмир Беляев исеменнән башкарма комитет җитәкчесенең беренче урынбасары Максим Санков чыгыш ясады. Шулай ук котлауларга шәһәр Советы депутаты, беренче мәктәпнең 2008 елдагы чыгарылышы Джулия Искәндәрова һәм Мәгариф идарәсе начальнигы урынбасары Фәнүзә Яковлева кушылдылар. 

Чыгарылышлар җырлар башкардылар, вальс биеделәр һәм һавага кызыл төстәге шарлар салюты очырдылар. 
Тантаналы линейка ахырында соңгы кыңгырау яңгырады, аларны 11 Б һәм 1 Б сыйныфларыннан Вадим Кузнецов һәм Иделия Сәйфуллина чыңлаттылар.