Чаллыда Россиянең иң көчле мотокроссчылары узышачак

Сентябрьнең беренче ял көннәре Чаллы янындагы «Наиком Арена» стадионында мотокросс буенча Россия чемпионатының финал этабы үтәчәк ди хәбәр итә «Шәһри Чаллы» сайты. Анда илебезнең төрле өлкәләренең җиңүчеләре үз төбәгенең данын яклап ярышачак. Барлыгы 200-240 спортсмен килер дип көтелә.
Әҗмәкәйдәге мотокросс кысаларында үзенчәлекле автомобильләр һәм мотоцикллар күргәзмәсе оештыру да күздә тотыла. Шулай ук монда «КАМАЗ-мастер» болидын да күреп булачак.
Моннан тыш стадионга килүчеләр арасында квадроцикл һәм мотоцикл кебек кыйммәтле бүләкләр дә уйнатачаклар. Чарага керү ирекле.

Фото превью: «Шәһри Чаллы»