Яңа 2024 ел алдыннан Менделеевскида урамнарны һәм иҗтимагый киңлекләрне бизи башладылар

Башкарма комитет җитәкчесенең шәһәр хуҗалыгы буенча урынбасары Сергей Метальников сүзләренчә, Октябрь һәм Бурмистров урамнарында яңа иллюминацияләр урнаштырылды. Яктырту баганаларын кар бөртекләре һәм кыңгыраулар рәвешендә светодиодлы панолар бизи. Шәһәрнең үзәк чыршысын әзерләү актив алып барыла. Урман чибәрен җыйганнар инде, аны якын арада гирляндалар, уенчыклар һәм дюролайт белән бизәячәкләр.

С.Гассар исемендәге мәдәният сарае янындагы мәйданда балалар өчен кар тавы булдыру буенча әзерлек эшләре алып барыла.
Сәүдә комплекслары, предприятиеләр, мәгариф һәм мәдәни учреждениеләр алларын Яңа елга бизи башлаячаклар, үз территорияләрендә Яңа елның төп символын урнаштырачаклар.