«Кристалл» эстрада биюләре халык ансамбле патриотик программа тәкъдим итте

«Кристалл» эстрада биюләре халык ансамбле «Кристалл -без үзебезнекеләр өчен» программасын тәкъдим итте.
Яшь биючеләр һәм аларның остазлары махсус хәрби операция зонасында Ватанны саклаучы якташларына ярдәм күрсәттеләр. Ансамбльдә катнашучылар «Приказано выжить», «Что я в жизни успел», «Солдатский», «Дөрли Болгар учаклары» һәм башка композицияләр белән залдагыларның патриотик рухын күтәрделәр. Тамашачының күңелен яуларга өлгергән биюләрне яшь буын башкарды, алар җәй дәвамында тагын да ныграк үскәннәр. Артистларның һәр чыгышын җыелганнар көчле алкышлар белән хупладылар. Кунакларга шулай ук хәйрия акциясендә катнашу һәм солдатларга матди ярдәм күрсәтү мөмкинлеге булдырылды.