Мәктәпләрдә соңгы кыңгырау һәм чыгарылыш балы даталары билгеле

Мәктәпләрдә соңгы кыңгырау һәм чыгарылыш балы даталары билгеле. Бу турыда Мәгариф идарәсе начальнигы Рәис Нәҗипов сөйләде. Соңгы кыңгыраулар 23 майда чыңлаячак. Аннан соң расписание нигезендә тугызынчы һәм унберенче сыйныфлар дәүләт имтиханнарын тапшыра. Чыгарылыш балы 23 июньгә тәгаенланган.
Рәис Габсәламович шулай ук җәйге чорда балаларны сәламәтләндерү һәм эш белән тәэмин итү мәсьәләләренә дә тукталды.

Саннар һәм фактлар

• 2022/2023 уку елында 317 укучы тугызынчы сыйныфны тәмамлый.
• 90 укучы – унберенче сыйныф чыгарылышы.
• Балалар бакчаларыннан 333 малай һәм кыз беренче сыйныфка барачак.
• Җәйге чорда 197 укучы эшкә урнаштырылачак.
• 412 укучы җәйге лагерьларда сәламәтлеген ныгытачак.