Менделеевлыларга электр корылмалары янында тәртип кагыйдәләрен искә төшерделәр

Уку елы тәмамлана һәм тиздән укучыларның каникуллары башланачак. Бу вакытта балалар тарафыннан электр җәрәхәтләре алу мөмкинлеге арта. Безне урамда да, өйдә дә югары көчәнеш астындагы электр чыбыклары һәм җиһазлар әйләндереп алган. 36 Вольт һәм аннан да югары көчәнешле электр тогы сәламәтлекне һәм тормышны җитди куркыныч астына куя. Хәтта көнкүреш электр челтәреннән ага торган электр тогы да гомерне өзәрдәй җәрәхәтләр салырга сәләтле. Электр тогыннан зыян күрүне һәм мондый зыянның нәтиҗәләрен кисәтү максаты белән Сезгә урамдагы электр җайланмалары янында үз-үзеңне тоту кагыйдәләрен исегезгә төшерәбез.
Тыела:
1. Электр җиһазлары янында уйнау, электр чыбыкларына бүтән чыбыклар һәм башка әйберләр ыргыту, изоляторларны вату, подъездда урнашкан баскыч мәйданчыгындагы һәм йортка кергән электр витокларын ачу.
2. Подстанция территориясендә булу, трансформатор пунктларының койма белән әйләндерелгән территориясенә керү. Мондагы җиһазлар 10 мең Вольт һәм аннан да югарырак көчәнеш астында.
3. Асылынып торган яки өзелгән чыбыкларга кагылу, якын килү, җирдә ятучы һава электр линияләре чыбыклары янына 8-10 метрдан да якынрак килү. Электр тапшыру линияләре янында үскән агачларны селкетеп уйнау куркыныч. Дымлы агач электр тогын үткәрә. Яктырту баганаларындагы капкачларны ачарга ярамый.
4. Электр үткәргеч линияләр астында учаклар кабызырга, һава электр тапшыру линияләре янында «һава еланнарын” очырырга.
5. Торак йортларның электр чыбыклары һәм коммуникацияләре булган техник подвалларына үтеп керү.
6. Электр тапшыру линиясенең тимер-бетон баганаларына кагылу, алар көчәнеш астында булырга мөмкин.
Бу тормыш өчен бик куркыныч!
Күренеп торган урынга бала сезнең яисә ашыгыч ярдәм хезмәтләре(полиция, ашыгыч ярдәм, янгын сагы) белән тиз арада элемтәгә керә ала торган телефон номерларын язарга кирәк.
Шуны да онытмагыз, үзегезнең үрнәк − балаларны өйрәтүнең иң яхшы ысулы. Сез үз куркынычсызлыгыгызга игътибарлы булсагыз, бала да артыгыздан кабатлар.
Балаларыбызның тормышы безнең кулларда!»

Электр чыбыклары өзелүен, очкынлануын, баганаларның зыян күрүен, транформатор подстанциясенең һәм элекр щитларының ишеге ябылмауын яки зарарлануын, билгеләрнең һәм плакатларның алып куелуын күргән очракта,
бәхетсезлек очрагын кисәтү өчен, кичекмәстән «Сетевая компания» АҖ Контакт-үзәгенә 8-800-2000-878 телефоны буенча хәбәр бирергә кирәк.

«Сетевая компания» АҖ филиалы
«Алабуга электр челтәрләре»
Реклама хокукында