Менделеевск хакимиятендә яңа билгеләмәләр турында хәбәр иттеләр

Башкарма комитет җитәкчесенең социаль мәсьәләләр буенча урынбасары вазыйфаларын башкаручы итеп Юлия Рыбакова билгеләнде.
Мәдәният идарәсе җитәкчесе вазифаларын Людмила Строкина башкарачак.

Рашат Фәизов, лаеклы ялга чыгу сәбәпле, яшьләр эшләре һәм спорт идарәсе җитәкчесе вазыйфасыннан китте, әмма командада район башлыгының спортны үстерү буенча киңәшчесе һәм шул үк вакытта Д.И. Менделеев исемендәге стадионның җитәкчесе буларак калды.

Яшьләр эшләре һәм спорт идарәсе җитәкчесе вазыйфасын башкаручы итеп элек «Айсберг»спорт мәктәбе директоры булып эшләгән Идегәй Миңнәхмәтов билгеләнде. Инвестицион һәм инфраструктур үсеш идарәсе башлыгы вазыйфаларын Павел Маштаков башкарачак.