Менделеевскида Балаларны яклау көне концерт белән тәмамланды

С.Гассар исемендәге мәдәният сараеның урам сәхнәсендә балалар мәдәният сараеның һәм БСМның балалар коллективлары һәм солистлары чыгыш ясадылар. 

Китапханә хезмәткәрләре «Солнышко из ладошек» интерактивын оештырды. Балалар төсле кәгазьгә учларын төшерделәр һәм аларга үзләренең исемнәрен яздылар. 

Балалар иҗат үзәге хезмәткәрләре хәрәкәтле уеннарда жетоннар бирделәр. Жетоннарны өч данә җыйган бәхетлеләр, аларны туңдырмага алыштырдылар.

Рәхилә Мирзаянова фотосы