Менделеевскида элекке мунча бинасында ниләр урнашачагын билгеләделәр

Шушы көннәрдә Менделеевскида Фомин урамындагы элеккеге мунча бинасында нәрсә урнашачагын билгеләделәр. Администрация җитәкчелеге башлык катнашында бинага барып, анда өч структура булачак дигән карар кабул итте.
Шулай итеп монда тиздән Гадәттән тыш хәлләр министрлыгының хәлләр үзәге, Бердәм дежур диспетчерлык хезмәте һәм шәһәрне яшелләндерү буенча барлык мәсьәләләр белән шөгыльләнәчәк «Яшел шәһәр» ҖЧҖ урнашачак.
Капиталь төзелеш идарәсе бинаны капиталь ремонтлау буенча минималь чыгымнар белән исәп-хисап ясаячак. Чыгымнар сметасы расланганнан соң подрядчылар бинаны ремонтлый башлаячак.
Финанслауны «Аммоний» АҖ бүлеп бирә.