Менделеевскида кышкы махсус техника эшкә кереште

Менделеевскида махсус техника беренче кышкы явым-төшем белән көрәшкә кузгалды. Барлык юлларга да тоз һәм ком катнашмасы сибелә. Юллар һәм тротуарлар бозлавыкны кисәтү өчен алдан эшкәртелә дип хәбәр итте район башлыга Рамир Беляев.

Кышка 1,2 мең тонна ком белән тоз катнашмасы һәм 400 тонна ком әзерләнде. Шулай ук 10 берәмлек махсус техника, 11 ишекалды чистартучы һәм 10 механизатор эшкә керешергә әзер тора.