Менделеевскиның мастер-планы булдырыла

Эшлекле очрашу Санкт-Петербургтан «Урбаника» институтының проект төркеме, шулай ук Иҗтимагый совет, ТИСлар әгъзалары, шәһәр активистлары, яшьләр, пенсионерлар, бюджет учреждениеләре вәкилләре, эшмәкәрләр катнашында узды. РФ Дәүләт Думасы депутаты Татьяна Ларионова һәм «Аммоний» АҖ генераль директоры урынбасары Юрий Разбежкин мәртәбәле кунаклар булдылар. 
Җыелганнарны район җитәкчесе Радмир Беляев сәламләде һәм очрашуның мөһимлеген билгеләде. Катнашучылар, фокус-төркемнәргә бүленеп, шәһәрдәге төп проблемаларны билгеләделәр һәм аларны чишү юлларын тәкъдим иттеләр. Стратегик сессия йомгаклары буенча шәһәрне комплекслы үстерүнең мастер-планы булдырылачак. 
Мастер-план – төрле социаль структураларның, шәһәр предприятиеләренең һәм учреждениеләренең тарихы, максаты һәм функцияләре язылган иҗтимагый килешү. 

Джулия Искәндәрова фотосы