Мендлеевск укучылары сугыш һәм хезмәт ветераннары, сугыш чоры балалары белән очраштылар

Җиңү көне алдыннан гимназиянең 7 сыйныф укучылары ТИС Советы рәисе Гөлсинә Заһретдинова белән бергә сугыш һәм хезмәт ветераннары, сугыш чоры балалары янында булдылар. Беренчеләрдән булып укучылар тыл ветераны Кунафеев Булат Габделхаковичны котладылар. 
Балалар батырлык һәм каһарманлык күрсәтүе, гомум Җиңүгә бәяләп бетергесез өлеш кертүе өчен якташыбызга рәхмәт белдерделәр, аңа ныклы сәламәтлек, имин тормыш теләделәр. Акциядә катнашучылар шулай ук сыйныф җитәкчесе Эльмира Вәлиева белән берлектә шигырьләр һәм георгиев тасмасы белән значок төрендә истәлекле бүләкләр һәм котлау открыткалары әзерләделәр. Үз чиратында ветеран кайгыртулары өчен кунакларга рәхмәт белдерде һәм үзенең сугыш юллары, халыкның батырлыгы һәм каһарманлыгы, чын дуслык һәм югалтулар турында сөйләде. Укучыларга изге теләкләрен юллады: яхшы укырга һәм тормышта үз урыннарын табарга. 
Өлкәннәр мондый очрашуларны көтеп алалар, чөнки аларның яшь буынга әйтәсе сүзләре күп.