Татарстанда буран көтелә

Бүген Татарстанда аязучан болытлы һава. Көндез урыны белән бераз кар ява, шулай ук көчле булмаган буран да чыгуы ихтимал. Бу хакта ТР Гидрометүзәгенең матбугат хезмәте хәбәр итә.

Җил көньяк-көнбатыш, көньяктан секундына 6-11 метр, көндез урыны белән җил секундына 14 метр тизлек белән исәчәк. Термометр баганасы -7 дән -12 градуска кадәр күрсәтәчәк. Юлларда бозлавык күзәтелә.