ТР ЮХИДИ чираттагы тапкыр куркынычсызлык каешын куллану кирәклеге турында искә төшерә

Куркынычсызлык каешларын куллану, юл-транспорт һәлакәтләрендә, машина йөртүче һәм алгы утыргыч пассажиры өчен үлем очрагын — 50% ка, арткы утыргычта пассажирлар өчен — 25% ка киметә, ә машина ауганда исән калу мөмкинлеген биш тапкыр арттыра, дип хәбәр итә Татмедианың Telegram-каналы.

Дәүләт автоинспекциясе искә төшерә: РФ Юл хәрәкәте кагыйдәләренең 2.1.2 пункты нигезендә, куркынычсызлык каешлары белән җиһазландырылган транспорт чарасы белән идарә иткәндә, механик автотранспорт чарасы йөртүче каеш белән эләктереп куелырга һәм бары эләктерелгән пассажирларны гына йөртергә тиеш.