Авыл хуҗалыгы техникасы чәчүгә әзерме?

Комиссия составына ТР Дәүләт техник күзәтчелеге, аграр институт һәм авыл хуҗалыгы белгечләре керде. Алар барлык хуҗалыкларда да булдылар, тракторлар, чәчү комплекслары, машиналар, махсус киемнәр, аптечкалар һәм янгын сүндергечләр булуына зур игътибар бирделәр.

ТР Дәүләт техник күзәтчелегенең баш дәүләт инженер-инспектор урынбасары Мөнир Халиков хезмәткәрләр белән әңгәмә үткәрде, аларның чәчү эшләрен кыска срокта һәм сыйфатлы итеп үткәрүләрен теләде.

— Техниканы тикшерү йомгаклары буенча җиңүче хуҗалыклар ачыкланды, — дип йомгак ясады Илнур Фәрухшин. — Алар «Победа» ҖЧҖ, Альберт Смирнов һәм Әһлиевлар КФХлары. Иң яхшылар Рәхмәт хатлары һәм бүләк сертификатлары белән билгеләнәчәкләр.