Авыл
Фермада роботлар – вакыт эше
"Лели Саба" җитештерү берләшмәсе компаниясе белгечләре безнең район фермерларына шундый кызыклы тәкъдим белән чыктылар. Алар терлекчелек фермаларын югары технологияле инновацион җиһазлар белән баету, ягъни сыер савучы роботлар кую (Astaonaut) тәкъдимен керттеләр. - Роботлаштырылган фермалар Россиянең берничә регионында уңышлы эшли. Сөт җитештерүне арттырү өлкәсендә Голландия аграрийлары белән нәтиҗәле хезмәттәшлек итүче Калуга...
"Лели Саба" җитештерү берләшмәсе компаниясе белгечләре безнең район фермерларына шундый кызыклы тәкъдим белән чыктылар.
Алар терлекчелек фермаларын югары технологияле инновацион җиһазлар белән баету, ягъни сыер савучы роботлар кую (Astaonaut) тәкъдимен керттеләр.
- Роботлаштырылган фермалар Россиянең берничә регионында уңышлы эшли. Сөт җитештерүне арттырү өлкәсендә Голландия аграрийлары белән нәтиҗәле хезмәттәшлек итүче Калуга өлкәсендә авыл хуҗалыгы продукциясе җитештерүчеләр заманча җиһазлар куллану буенча зур тәҗрибә тупланган.
Саба районы авыл хуҗалыгы җитештерүчеләре безнең республикада бу эштә беренчеләр булды, - дип мәгълүмат бирде "Лели Саба" җитештерү берләшмәсе директоры Илья Иванов.
Аның сүзләренчә, сыер савучы роботлар куллану хезмәт хакы түләүгә чыгымнарны сизелерлек киметүгә китерә.
- Кеше факторын минимальләштерү һәм VMS җайланмасы белән сыерларны тәрбияләү сөт саву дәрәҗәсе, продукция сыйфатында, ә киләчәктә - нигезе сөт булган азык-төлек продуктлары сыйфатында уңай чагылыш табачак, - дип билгеләп үтте ул.
Робот сыер савучылар белән ферманы эшләтә башлаганның беренче айларында бер тапкыр бозаулаган һәр сыердан 22 литр сөт савыла. Сөт саву җиһазларын модернизацияләү авыл хуҗалыгы предприятиеләренең финанс-икътисадый торышын ныгыту буенча программаның бер өлешен тәшкил итә.
Җиһазлар яхшырак булган саен, продуктлылык югарырак. Фермадагы эшнең күп өлеше ышанычлы техникага тапшырылган, тормышның тулылыгы белән ләззәтләнергә күбрәк вакыт кала. Ферма проекты бәясе 260 мең сум тәшкил итә. Роботлар сатып алу 16,5 миллион сумга төшәчәк. Бина һәм терлек комплексы белән бергә - 43 миллион сум.
- Заманча җиһаз сатып алу күләмле чыгымнар таләп итә. Әгәр авылда кеше ресурслары җитмәүне исәпкә алсак, нәкъ менә шушы проблема фермаларны роботлаштыруга китерәчәк.
Минем фикеремчә, фермада роботлар - вакыт эше. Кайчан да булса без барыбыз да моңа киләчәкбез, - диде районның авыл хуҗалыгы берләшмәләре җитәкчеләренең иң тәҗрибәлеләреннән берсе - "Абалач" ҖЧҖ директоры Албирт Шияпов.
Лариса Миңнегалиева
Следите за самым важным и интересным в Telegram-каналеТатмедиа
Нет комментариев