Менделеевск яңалыклары
  • Рус Тат
  • "Гаиләм – минем шатлыгым"

    Ижевка мәдәният йортында район күләмендә шундый исемле гаилә бәйрәме оештырылды. Учреждение директоры Алла Затирко, чарага җыелганнарны сәламләп, кеше тормышында гаилә кыйммәтләренең әһәмиятен билгеләп үтте. Җирле язучы Михаил Гоголев конкурста катнашкан гаиләләргә уңышлар теләде, тәрбиягә балалар алган Самариннар һәм Пономаревлар гаиләләре "Әни догасы" композициясен бүләк иттеләр. "Гаилә портреты" этабы Киршиннар, Судаковлар,...

    Ижевка мәдәният йортында район күләмендә шундый исемле гаилә бәйрәме оештырылды.
    Учреждение директоры Алла Затирко, чарага җыелганнарны сәламләп, кеше тормышында гаилә кыйммәтләренең әһәмиятен билгеләп үтте. Җирле язучы Михаил Гоголев конкурста катнашкан гаиләләргә уңышлар теләде, тәрбиягә балалар алган Самариннар һәм Пономаревлар гаиләләре "Әни догасы" композициясен бүләк иттеләр.
    "Гаилә портреты" этабы Киршиннар, Судаковлар, Гыйльметдиновларга үзләре белән якыннан таныштыру мөмкинлеге бирде. Тамашачылар бай тормыш тәҗрибәсенә ия хөрмәтле авылдашларын алкышлар белән хупладылар.
    Гаилә - кече дәүләт һәм аның үз гореф-гадәтләре. Катнашучылар буыннан буынга күчеп килгән традицияләр турында "Гаилә альбомына күз төшерик" этабында туганнары, якыннары белән горурланырлык хикәяләрдә таныштырдылар.
    Конкурсантлар көлә, шаяра, көндәлеккә юмор белән карый белүләрен "Бервакыт безнең гаиләдә" бәйгесендә ачтылар. Чара геройлары җыр-биюгә, иҗатка да вакыт табалар. "Музыкаль аукцион" аларны нәкъ шул яктан күрсәтте дә. Гоголевлар очкынлы чегән биюе башкардылар, Судаков һәм Гыйльметдиновлар музыка иленә алып керделәр. Түгәрәк өстәл артына яраткан ризыкларыннан (чәк-чәк, белен, төрле пироглар) авыз итәргә чакырылган жюри әгъзалары һәр пешекченең тырышлыгын югары бәяләделәр. "Конфетти" хореография коллективы (җитәкчесе Ксения Веклич) чыгышы гаилә бәйрәменең бизәге булды. Чарага чакырылган кунаклар - ТР Дәүләт Советы депутаты киңәшчесе Рөстәм Гафаров, район башкарма комитеты җитәкчесе урынбасары Павел Миронов, "Бердәм Россия" партиясенең җирле бүлекчәсе башкарма комитеты җитәкчесе Клавдия Смирнова, "Юность" район мәдәният йорты директоры Рәйхана Фәрхетдинова, мәгариф начальнигы Зөлфирә Хәертдинова, Ижевка авыл җирлеге башлыгы Валентина Пономарева катнашучыларны котладылар һәм дипломнар, бүләкләр тапшырдылар.
    Бәйрәм гаилә гимнын башкару белән тәмамланды.
    Фәймә Вахриева

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: