Менделеевские новости
  • Рус Тат
  • Игенне урып-җыю – авыл халкы өчен сынау

    Район кырларында урып-җыю кампаниясе дәвам итә. Аерым хуҗалыкларда, бөртекле һәм кузаклы культураларны суктыруны уңышлы төгәлләп, авыл хезмәтчәннәре уҗым культуралары чәчүгә керештеләр. "Кама" колхозы" ҖЧҖ - шулар исәбендә. Биредә 860 гектар мәйданда игеннәр урып-җыелды. Авыл хуҗалыгы идарәсеннән 16 сентябрьгә алынган мәгълүматлар буенча, җыеп алынган уңыш 18582 центнер тәшкил итте, һәр гектардан...

    Район кырларында урып-җыю кампаниясе дәвам итә. Аерым хуҗалыкларда, бөртекле һәм кузаклы культураларны суктыруны уңышлы төгәлләп, авыл хезмәтчәннәре уҗым культуралары чәчүгә керештеләр.
    "Кама" колхозы" ҖЧҖ - шулар исәбендә. Биредә 860 гектар мәйданда игеннәр урып-җыелды. Авыл хуҗалыгы идарәсеннән 16 сентябрьгә алынган мәгълүматлар буенча, җыеп алынган уңыш 18582 центнер тәшкил итте, һәр гектардан уртача уңыш 21,6 центнер.
    "Д.Әһлиев", "И.Хәйриев" крестьян-фермер хуҗалыклары да алдынгылар исәбендә. "Алтын башак" ҖЧҖ (97%) игенчеләре урып-җыюны төгәлләү алдында. Район буенча барлыгы 11021 гектар мәйданнан (86%) 174725 центнер ашлык суктырылды, уртача уңыш - 18,4 центнер.
    1290 гектар мәйданда уҗым культуралары чәчелде, гомуми планның 38 процентын тәшкил итә.
    "Татагро" ҖЧҖ хезмәтчәннәре сабан рапсын урып-җыюга керештеләр. май өчен үстерелә торган культура 9441 гектарны били.
    Предприятие комбайнчылары һәм механизаторлары майлы үсемлекләрне тизлек белән суктыралар. Кырда сигез комбайн, ике җыю бункеры, 20 авыр йөк машинасы, сигез чапкыч эшли. Санаулы көннәрдә 9314 гектар (42%) теземнәргә салынды, 52700 центнер май орлыгы суктырылды, һәр гектардан уртача уңыш 14 центнерга җитә.
    - Бурыч - уңышны югалтуларсыз җыеп алу, игенне басуда калдырмау. Әлегә һава торышы да агрокомплекс эшчәнлегенә кулай тора. Вакытны бушка үткәрергә ярамый, - дип билгеләп үтте авыл хуҗалыгы һәм азык-төлек идарәсе начальнигы Рөстәм Галәмов.

    Нравится
    Поделиться:
    Реклама
    Комментарии (0)
    Ночной режим