Икмәкле һөнәр

"Егет кешегә җитмеш төрле һөнәр дә аз" дигән әйтем "Кама" колхозы" механизаторы Фәнис Гыйльфановка туры килә.

Егет бәхетен читтән эзләми: язмышын туган авылы, игенчелек белән бәйли. Фәнискә техника серләренә төшенү өчен күп укырга туры килә. Янәшәсендә остазлары - тәҗрибәле механизаторлар булу да зур роль уйный. Тырышлыгы, үҗәтлеге, эш сөючәнлеге, максатына ирешергә омтылуы бушка китми - Фәнис һәрдаим алдынгылар рәтендә. 2006 елда район күләмендә "Чәчү батыры" булды, быел да сынатмады: МТЗ-1221 тракторында 887 эталон гектарда чәчү һәм авыл хуҗалыгы культураларын тамырдан тукландыру эшләрен югары сыйфатлы итеп башкарды.