Менделеевские новости
  • Рус Тат
  • Әле дә җиңә алганыбыз юк...

    Көнкүрештә химия продукциясен аз кулланмыйбыз. Иң беренче чиратта, безне аның нәтиҗәлелеге һәм уңайлыгы кызыксындыра. Ә сәламәтлегебез өчен мөһим булган куркынычсызлыгы соңгы планда кала. Шулай ук безнең тарафтан бакчадагы корткыч бөҗәкләргә һәм чүп үләннәренә каршы да химик препаратлар еш һәм киң кулланыла. Бер караганда, алардан башка булмый да кебек. Дистә еллар...

    Көнкүрештә химия продукциясен аз кулланмыйбыз. Иң беренче чиратта, безне аның нәтиҗәлелеге һәм уңайлыгы кызыксындыра. Ә сәламәтлегебез өчен мөһим булган куркынычсызлыгы соңгы планда кала. Шулай ук безнең тарафтан бакчадагы корткыч бөҗәкләргә һәм чүп үләннәренә каршы да химик препаратлар еш һәм киң кулланыла.
    Бер караганда, алардан башка булмый да кебек. Дистә еллар гына түгелдер, без колорадо коңгызына каршы аяусыз көрәш алып барабыз. Әмма нинди генә чаралар кулланмыйк, әлеге яуны җиңә алганыбыз юк. Шуңа да нәтиҗәле ысуллар ззләргә, агуны мулрак күләмдә кулланырга туры килә. Ә агу дигәне бәрәңге белән безнең организмга керә һәм сәламәтлек белән бәйле проблемалар тудыра.
    Базарда һәм сәүдә нокталарында химикатлар сатып алганда, сатучылардан аларны куллану шартын (инструкциясен) сорау зарури. Кайбер препаратларның тышлыгына токсин матдәләр булмавы турында языла. Ләкин бер дә токсин матдәләр кушылмаган химикатлар да, минераль ашламалар да юк. Аларны кулланганда саклык белән эш итәргә кирәк. Бәрәңге бакчасын колорадо коңгызына каршы химикатлар белән эшкәрткәндә, махсус кием (резина бутый, перчатка, күзлекләр), респиратор (РУ-60, РПТ-67 маркалы) кию шарт. Шулай ук агулау барышында тән ачык калырга тиеш түгел. Химикатлардан бушаган савытны теләсә кайда ташларга ярамый. Ташлаганчы, аны каустик сода белән эшкәртергә кирәк. Бәрәңгене агулаганда аркага асыла торган савыт-сиптергечләр куллану урынлы. Сиптергеч торбаны үзеңнән 1,5-2 метр ераклыкта тоту шарт. Шәхси хуҗалыкларга шикле агулы химикатлар сатып алу катгый рәвештә тыела. Әйләнә-тирәбездә тулы бер тереклек дөньясы яшәгәнен дә онытмаска кирәк. Химикатлар белән эшләгәннән соң, борынны, авызны кер сабыны белән юу мәҗбүри. Ә киемне содалы суда юарга кирәк. Бәрәңге бакчасын җилсез вакытта, иртәнге һәм кичке сәгатьләрдә эшкәртү шарт. Химикатларны су белән кушканда, шартында әйтелгәнчә болгатыгыз.
    Рәүф Исмәгыйлев, Россельходнадзорның җир контроле бүлеге дәүләт күзәтчесе

    Нравится
    Поделиться:
    Реклама
    Комментарии (0)
    Осталось символов: