Менделеевские новости
  • Рус Тат
  • Матурлык почмагын үз куллары белән

    Ык Тамагы авылы халкы быелгы җәйдә алты кешегә артты, дөрес, агачтан ясалган. Алар Шведуновлар йорты янында яши. Эш шунда, йорт каршындагы гаҗәеп бакчада кызыклы әкият геройлары барлыкка килгән: урман карты, кәҗә бәтие, төзүче һ.б.лар. Эшләрнең авторы - Шведуновлар гаиләсе - биш ел элек авылга күчеп килә. Без аларны участокта эш...

    Ык Тамагы авылы халкы быелгы җәйдә алты кешегә артты, дөрес, агачтан ясалган. Алар Шведуновлар йорты янында яши.


    Эш шунда, йорт каршындагы гаҗәеп бакчада кызыклы әкият геройлары барлыкка килгән: урман карты, кәҗә бәтие, төзүче һ.б.лар. Эшләрнең авторы - Шведуновлар гаиләсе - биш ел элек авылга күчеп килә. Без аларны участокта эш вакытында очраттык. Килүебезгә гаҗәпләнделәр.
    - Без тумышыбыз белән Ставрополь краеннан, - дип сөйли Александр Николаевич. - Элек мин монда командировкага килә идем. Елга буендагы матур табигать почмагын күреп сокландым. Авылның яхшы урында урнашуы, чиста һава үзенекен итте, без монда төпләнергә ниятләдек.
    - "Запорожец"та килдек, участок сатып алдык, шалаш куйдык һәм йорт төзи башладык, - дип елмаю белән искә ала Валентина Егоровна.
    - Бакчасыз йорт буламы? Яшелчә бакчасы ясарга карар кылдык. Кайбер үсентеләрне көньяктан алып кайттык, мисал өчен, менә бу колонна кебек үсә торган агачны, калганнарын Можга питомнигыннан сатып алдык, - дип дәвам итә Александр Николаевич, участогы буенча экскурсия ясап. - Монда һава торышы кулай, без теплицасыз да яхшы уңыш алабыз. Татарстанда үстерелгән кыяр һәм томат көньякныкына көндәш булырлык. Теләсә нинди таякны җиргә тыксаң, ул тамыр җәя, иң мөһиме - дөрес тәрбияләү һәм вакытында су сибү.
    Бу сүзләрне раслап, без "Алсу мускат" һәм "Изабелла" сортлы виноградларның өлгергән тәлгәшләрен күрәбез.
    Урамда безне хуҗалар үз куллары белән ясаган әкият геройлары көтә. Шунысы гаҗәп, һәркайсының кулында эш коралы: төзүче көрәк тоткан, ә ханымның кулында себеркесе бар, кулчатыр астында утырган пар аеруча игътибарны җәлеп итә.
    - "Тере" почмак ясау идеясен ирем тәкъдим итте, ә мин аны хупладым, нәрсәнедер Интернеттан карадык, нәрсәнедер үзебез уйлап таптык, - дип сөйли Валентина Егоровна. - Ирем төзүче, мин тегүче, шунлыктан вазифаларны болай бүлештек: ирем агач түмгәктән фигуралар кисә, ә мин аларны киендерәм. Авыл халкы бу бакчаның барлыкка килүенә уңай карашта, узган-барганнар әкият геройлары белән исәнләшә, сөйләшәләр. Күпләр фотога төшәргә килә. Оныкларыбыз белән балалар кунакка кайткач, алар да фотога төштеләр.


    - Кулчатыр астында утыручы пар - Саша һәм Валя аеруча популярлык казанды, бу безнең прототиплар, - дип елмая Шведуновлар.
    - Авыл чәчәк атсын иде, - дип тели гаилә, безнең белән саубуллашып, - һәм без бу эшкә тыйнак өлешебезне кертергә әзер.

    Нравится
    Поделиться:
    Реклама
    Комментарии (0)
    Осталось символов: