Менделеевские новости
  • Рус Тат
  • Монайда күпфункцияле үзәк ачылды

    12 ноябрь Монай авылы тарихына истәлекле вакыйга белән кереп калыр. Бу көнне күпфункцияле үзәк ишекләрен ачты. - Без янәшәдә яшибез, - диләр хезмәт ветераннары Анна Черемных һәм Анна Малкова. - Төзелеш барышын даими күзәттек, бинаның дизайны, җыйнаклыгы күзләрне иркәли. Объект "Авыл клублары" президент программасы буенча төзелде. Биредә Монай җирлеге башкарма...

    12 ноябрь Монай авылы тарихына истәлекле вакыйга белән кереп калыр. Бу көнне күпфункцияле үзәк ишекләрен ачты.


    - Без янәшәдә яшибез, - диләр хезмәт ветераннары Анна Черемных һәм Анна Малкова. - Төзелеш барышын даими күзәттек, бинаның дизайны, җыйнаклыгы күзләрне иркәли.


    Объект "Авыл клублары" президент программасы буенча төзелде. Биредә Монай җирлеге башкарма комитеты, китапханә, 100 урынга тамаша залы урнашты. Фельдшер-акушерлык пунктына керү ишеге аерым.
    - Авыл халкын медицина хезмәткәре Зөлфия Садриева кабул итәчәк, - дип бүлешә җирлек башлыгы Нурия Сапаева.
    Тантаналы ачуга район башлыгы Игорь Привалов, Яр Чаллының сәламәтлек саклау идарәсе җитәкчесе Илнур Шәрәфетдинов, предприятиеләр, оешмалар җитәкчеләре килде. Кунакларны түгәрәк ипи һәм чәк-чәк белән каршыладылар.
    - Мин узган ел биредә авыл җыенында булдым, - диде Игорь Анатольевич. - Монайлылар клуб булмауга зарландылар. Аларга ярдәм күрсәтергә вәгъдә бирдем, һәм бүген мәдәният учреждениесен куллануга тапшырабыз. Хәзер аның никадәр ихтыяҗлы булуы сездән тора. Ешрак кичәләр, концертлар уздырыгыз, балаларны түгәрәкләргә җәлеп итегез - клубның җаны булырга тиеш.
    Котлауларга Илнур Шәрәфетдинов, подряд оешмасы - "Стройхимсервис" ҖЧҖ генераль директоры Фәнил Нәҗмиев кушылды. Ул клуб директоры Надежда Бакаевага символик ачкыч тапшырды.
    Елена Сазонова авылдашлары исеменнән республика һәм район җитәкчелегенә, төзүчеләргә рәхмәт белдерде.
    Кызыл тасманы кискәннән соң кунаклар эчкә үттеләр һәм уңайлы бүлмәләрне карадылар. Ачылу хөрмәтенә "Шаян" ансамбле, солистлар Инна Килеева, Клара Галләмова һ.б.лар катнашында бәйрәм концерты әзерләнде. Тамашачылар Монай артистлары - "Радуга" дуэты һәм Елена Сазонова чыгышын көчле алкышларга күмделәр.
    Коллегаларын хупларга районның авыл клублары үзешчәннәре дә килгән.
    - Без, күршеләр буларак, җыештыруда, территорияне төзекләндерүдә ярдәм иттек һәм бераз көнләштек тә, - ди Камай мәдәният йортының сәнгать җитәкчесе Сәрия Зиннурова. - Киләсе елга бездә дә яңа клуб төзеләчәген белгәч, шатлыгыбызның чиге булмады. Димәк, өй туена көтәбез.

    Нравится
    Поделиться:
    Реклама
    Комментарии (0)
    Осталось символов: