Менделеевские новости
  • Рус Тат
  • Очрашулар дәвам итә

    Су әлегә проектта гына Тихоново авылының күпкатлы йортларында яшәүчеләрне су белән тәэмин итү проблемасы борчый. - Мәсьәлә күп тапкырлар район хакимиятендә дә, төрле инстанцияләрдә дә тикшерелде, ләкин нәтиҗәсе юк, - дип мөрәҗәгать иттеләр алар халык җыенында район җитәкчесе Валерий Чершинцевка. Салалылар сүзләренчә, көндез фатирларга су килми, икеконтурлы котёллар сафтан чыга....

    Су әлегә проектта гына

    Тихоново авылының күпкатлы йортларында яшәүчеләрне су белән тәэмин итү проблемасы борчый.
    - Мәсьәлә күп тапкырлар район хакимиятендә дә, төрле инстанцияләрдә дә тикшерелде, ләкин нәтиҗәсе юк, - дип мөрәҗәгать иттеләр алар халык җыенында район җитәкчесе Валерий Чершинцевка.
    Салалылар сүзләренчә, көндез фатирларга су килми, икеконтурлы котёллар сафтан чыга.
    Җыенда тихоноволылар шулай ук урамнарны яктыртуга, юлларны ремонтлауга, медицина хезмәте күрсәтүгә кагылышлы сораулар бирделәр, хуҗасыз этләр проблемасын күтәрделәр.
    - Кызганычка каршы, сезнең йортларда якын арада су булыр дип вәгъдә бирә алмыйм, - диде Валерий Сергеевич. - Без быел проект-смета документациясен эшләүгә генә акча таба алдык. "Чиста су" программасын гамәлгә ашыру 2016 елда башланачак.
    Җыенда авыл халкы алдында җирлек башлыгы Екатерина Филатова, участок вәкиле Илнур Төхвәтов отчёт тоттылар.
    Абалачта җыен
    Халык белән очрашуны ачып, район җитәкчесе Валерий Чершинцев җирлек буйлап йөргәндә танышкан бюджет өлкәсе учреждениеләре эшен анализлады.
    - Мин мәктәп тормышыннан канәгать. Бинада тәртип, җылы, якты. Ә менә авыл клубы эшчәнлеген активлаштырырга кирәк, күбрәк кызыклы чаралар, концерт программалары оештыру зарур, - диде Валерий Сергеевич, Мәдәният идарәсенә куелган бурычларны контрольдә тотуны йөкләп.
    Җирлек башлыгы Ландыш Шияпова ел башыннан башкарылган эшләр турында сөйләде. "Абалач" ҖЧҖ эшчәнлеге белән хуҗалыкның баш инженеры Рифнур Гарифуллин таныштырды.
    Җирлек территориясендә оператив хәл турында мәгълүматны полициянең участок вәкиле Рамил Фәйзуллин бирде, объектлар милкен саклау һәм эчкечелек үсеше турында проблемаларны билгеләде. Докладчы экстремизмны профилактикалау мәсьәләсенә игътибарны юнәлдерде.
    Районның хәрби комиссары Дамир Вәлиев армия хезмәтеннән качып йөрүчеләр исемлеген яңгыратты.
    - Хәрби бурычлыларга карата закон катгый. Мондый гамәлләр өчен җинаять җаваплылыгы каралган, - дип кисәтте Дамир Шамилевич.
    Җыен сорау-җавап формасындагы кара-каршы сөйләшү белән дәвам итте. Авыл халкы сыйфатлы су белән тәэмин итү, урамнарны яктырту, күпфатирлы йортларда капиталь ремонт, юлларны төзекләндерү проблемалары белән кызыксынды, Тогай һәм Бөрешле авылларында ФАП төзүне республика программасына кертү теләген белдерде.
    Нравится
    Поделиться:
    Реклама
    Комментарии (0)
    Осталось символов: