Район җирлекләрендә өлкәннәрне хөрмәтлиләр

– Сезнең һәрберегез – кеше-легенда, – дип мөрәҗәгать итте зирәк яшь вәкилләренә чараны алып баручы авыл мәдәният йорты директоры Гөлнара Гайфетдинова. – Һәм без бүген сезнең яшьлегегез, хезмәт елларыгыз турында диккать белән тыңлаячакбыз.

Җыелганнарга изге теләкләр белән район башлыгы урынбасары Ләйсән Галеева, ветераннар Советы рәисе Любовь Сорокина һәм җирлек башлыгы Рафит Сафин мөрәҗәгать иттеләр.

Бәйрәм дәвамында композитор һәм автор-башкаручы Роберт Нәбиуллин җырлары белән шатландырды, яшь талантлар Вера һәм Валерия Балобановалар – искиткеч шигырьләр белән.