Тоймалылар Авыл көнен үткәрделәр

Кояшлы җылы көн, табигатьнең гүзәл бер почмагы иртә белән үк авыл халкын һәм кунакларны вакытны күңелле үткәрүгә тәэсирләндерде. Халык күңел ачу уеннарында, спорт ярышларында катнашырга теләүчеләр бихисап булды. Импровизацияләнгән сәхнә дә буш тормады — дәртле җырлар яңгырады, аларны очкынлы биюләр алыштырды.

Җыелганнарны район башлыгы урынбасары Ләйсән Галеева котлады, авылның торгызылуын, йорт төзергә теләүчеләрнең арта баруын белдерде. Яңабирде җирлеге башлыгы Евгений Никифоров билгеләвенчә, тиздән тоймада ФАП барлыкка киләчәк.

Бу көнне мәйданда күңелле көлү тавышлары, моңлы җырлар бик озак тынмады.

— Шулкадәр яхшы булды, китәсе килмәде, — диделәр авыл халкы һәм кунаклар. — Оештыручыларга рәхмәт, бәйрәм күңелле һәм мавыктыргыч булды.