Менделеевск яңалыклары
  • Рус Тат
    • Авыл

    Тынгысыз җан

    автор, 18 март 2015 - 07:14
    394
    0
    0

    Тыл һәм хезмәт ветераны С.Бәдретдинова шушы көннәрдә 90 яшьлек юбилеен билгеләп үтте. Саҗидә Миргазиевнаны район җитәкчесе Валерий Чершинцев котлады, юбилярга РФ Президентының исемле открыткасын, чәчәк бәйләме һәм бүләк тапшырды. Редакция корреспондентлары Тоймага юбиляр янына килгәндә, ул күршеләре, авыл аксакаллары һәм абыстайдан котлаулар кабул итә иде. Саҗидә апаның балалары олуг бәйрәме...

    Тыл һәм хезмәт ветераны С.Бәдретдинова шушы көннәрдә 90 яшьлек юбилеен билгеләп үтте. Саҗидә Миргазиевнаны район җитәкчесе Валерий Чершинцев котлады, юбилярга РФ Президентының исемле открыткасын, чәчәк бәйләме һәм бүләк тапшырды.
    Редакция корреспондентлары Тоймага юбиляр янына килгәндә, ул күршеләре, авыл аксакаллары һәм абыстайдан котлаулар кабул итә иде. Саҗидә апаның балалары олуг бәйрәме көнендә мөселманнар өчен гадәти булган аш мәҗлесе үткәрергә уйлаганнар. Безнең визитның максатын белүгә, ветеран әңгәмәгә сугыш чоры михнәтләрен бергә кичергән, иңгә-иң куеп колхозда бергә эшләгән чордашларын да җәлеп итте.
    Авылдашлары якыннарын һәм туганнарын фронтка озатуларын, ачлыктан өшегән бәрәңге җыюларын, алабута төюләрен, үлем хәбәрләре алу мизгелләрен искә төшерделәр.
    Сугыш башланганда, Саҗидә инде кияүдә була. Иң элек, олы яшьтә булуына карамастан, әтисен фронтка алалар, 1944 елда ире Шаһаби сугышка китә. Әтисенә кайту насыйп булмый. Ә Шаһаби исән кала һәм кызын ике яшьлек чагында беренче мәртәбә күрү бәхетенә ирешә.
    - Аннан мин тагын җиде бала таптым, - дип дәвам итә С.Бәдретдинова. - Декрет ялы турында хыялланмадым, өлкәннәре кечеләрен карады, еш кына балаларны үзебез белән басуга, я фермага алып бара идек.
    Саҗидә Миргазиевнаның 60 еллык хезмәт стажы медальләр, күкрәк билгеләре, Мактау грамоталары белән билгеләнә. Ул комбайнчы ярдәмчесе була, фермада эшли.
    - Әниебез тынгысыз җан ул, - дип сөйли кызы Нурия. - Бернинди эштән дә курыкмый, өйдәгесенә дә җитешә. Мәктәптән кайтканда әнинең шәңгә пешергәнен, я булмаса пирожкилар кыздырганын беләсең, исе урамга ук таралган була иде.
    - Барыбызны белемле итте, - дип өсти сеңлесе Кадрия. - "Минем мөмкинлек булмады, сез укырга тиеш", - дия иде.
    Ана бүген балалары белән горурланырга хокуклы. Алар арасында укытучы, механик, ресторан бизнесы һәм башка һөнәр ияләре бар. 16 оныгы һәм 22 оныкчыгы Саҗидә әби өчен зур куаныч. Барысы җыелып аны 90 яше белән котларга кайтканнар, гаилә фотоларыннан кызыклы плакат ясаганнар, үзәктә - ана һәм әби - ышанычлы терәк, зирәк киңәшче һәм гаилә учагын саклаучы.

    Иң мөһим һәм кызыклы язмаларны Татмедиа Telegram-каналында укыгыз


    Теги: Менделеевск Менделеевск яңалыклары юбилей
    Нравится
    Поделиться:
    Реклама
    Комментарии (0)
    Авторизоваться
    Осталось символов:
    © 2011 - 2021. Менделеевск яӊалыклары (Менделеевские новости). Все права защищены.
    © ТАТМЕДИА. Все материалы, размещенные на сайте, защищены законом.
    Перепечатка, воспроизведение и распространение в любом объеме информации,
    размещенной на сайте, возможна только с письменного согласия редакций СМИ.
    При поддержке Республиканского агентства по печати и массовым коммуникациям «ТАТМЕДИА».
    Наименование СМИ: Менделеевск яӊалыклары (Менделеевские новости)
    № свидетельства о регистрации СМИ, дата: ЭЛ № ФС 77 - 73819 от 28.09.2018
    выдано Федеральной службой по надзору в сфере связи,
    информационных технологий и массовых коммуникаций
    ФИО главного редактора: Искандарова Джулия Анатольевна
    Адрес редакции: 423650, Республика Татарстан, Менделеевский р-н, г. Менделеевск, ул. Фомина, д. 20
    Телефон редакции: (85549) 2-14-55
    Электронная почта редакции: paradox_12@mail.ru
    Учредитель СМИ: АО «ТАТМЕДИА»
    Политика о персональных данных
    Антикоррупционная политика
    Телефон АО «ТАТМЕДИА»: (843) 222 09 84
    Яндекс.Метрика ; Рейтинг@Mail.ru
    16+