Тынычлыкның кадерен белеп

Шушы көннәрдә Ижёвка авылында яшәүче Мария Романовна Леонтьева 90 яшен тутырды.
Мәдинә Григорьева
Юбилярны район башлыгы Игорь Привалов исеменнән урынбасары Ләйсән Галеева котлады, чәчәк букеты һәм акчалата бүләк, Россия Федерациясе Президенты Владимир Путинның адреслы открыткасын тапшырды.

Мария Романовна Украинада туган.

- Мин яшәгән һәм эшләгән урыннарда сугыш баруына йөрәгем әрни, - ди ветеран. - Без - Бөек Ватан сугышы михнәтләрен үз җилкәбездә татыган буын, тынычлыкның кадерен беләбез. Украина да мәгънәсез бәрелешләрне, кан коюны туктатыр, анда иминлек урнашыр дип өметләнәм.