Менделеевск яңалыклары
  • Рус Тат
  • Ватанның геройлары бихисап

    Алар Бондюг авылында да бар. Сугыш елларында 95 ир-егет фронтка киткән, шуларның 49ы яу кырында мәңгелеккә башларын салган. Җиңүнең 70 еллыгы алдыннан биредә Бөек Ватан сугышында катнашучыларга һәйкәл ачылды. Бондюглылар озак еллар якташларының данлы исемнәре белән истәлек тактасы булдыру турында хыялландылар. Елъязма белән сугышта катнашкан гвардия өлкән сержанты Михаил Алексеевич...

    Алар Бондюг авылында да бар. Сугыш елларында 95 ир-егет фронтка киткән, шуларның 49ы яу кырында мәңгелеккә башларын салган. Җиңүнең 70 еллыгы алдыннан биредә Бөек Ватан сугышында катнашучыларга һәйкәл ачылды.

    Бондюглылар озак еллар якташларының данлы исемнәре белән истәлек тактасы булдыру турында хыялландылар. Елъязма белән сугышта катнашкан гвардия өлкән сержанты Михаил Алексеевич Переин шөгыльләнде.
    - Ул фронтовик-авылдашлары турында мәгълүматлар тупланган көндәлек алып барды, - дип сөйли кызы Нина Михайловна. - Аларга нигезләнеп, архив материалларын бөртекләп җыеп, ике графадан торган исемлек төзедек: "Ватан өчен һәлак булдылар" һәм "Җиңү белән кайттылар".
    Кызганычка каршы, Михаил Алексеевич исән чагында хыялын тормышка ашыра алмый калды. Монумент куйганнарын да, кара мәрмәр ташка геройларның исемнәрен уеп язганнарын да, шул исәптән үзенекен дә, күрә алмады. Тантанага, әтиләре, бабалары, дәү бабалары истәлегенә чәчәкләр куяр өчен Переиннар гаиләсенең 12 вәкиле килде.
    Бондюглыларны һәм кунакларны район җитәкчесе Валерий Чершинцев, ветераннар советы рәисе Любовь Сорокина, хәрби комиссар Дамир Вәлиев котладылар.
    Символик тасманы кискәннән соң, алар һәйкәлгә кызыл канәферләр салдылар.
    - Район җитәкчелегенә, эшмәкәрләргә, әфганчылар союзына рәхмәт, - ди Нина Переина. - Исемлекне тулыландыру эше дәвам итә. Хәрби комиссариат, район һәм республика архивлары белән тыгыз элемтәдә торабыз, яңа фамилияләр һәм фактлар табабыз.
    - Беренче графада әниемнең бертуганнары Петр, Федор һәм Иван Ушковларның фамилияләре язылган, - дип сөйли күз яшьләре белән хезмәт ветераны Маргарита Петровна Горбунова. - Алар беренчеләрдән булып фронтка киткәннәр һәм өчесе дә хәбәрсез югалган. Бүген чәчәкләр алып килдем, изге рухлары өчен дога кылачакмын, һәм кайчан да булса якыннарымның күмелгән урыннары билгеле булачак дигән өметне югалтмыйм.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: