“Вечёрушка” дусларын җыйды “Вечёрушка” дусларын җыйды

Ижёвка мәдәният йортында "Вечёрушка" халык җыры ансамбленең оешуына бер ел тулу уңаеннан кичә узды.

Төркем җитәкчесе Людмила Галкина ярдәме белән кыска вакыт эчендә бай репертуар тупланды. Коллективны Дәүләт Советы депутаты киңәшчесе Рөстәм Гафаров, җирлек башлыгы Валентина Пономарёва сәламләделәр һәм котлауларын җиткерделәр. Очрашуда катнашкан җирле язучы Михаил Гоголев, җыр башкарып, китапларын бүләк итте. Солистлар Фәния Мөхәмәтхатыйпова, Александр Романов, Евгения Тарасова, Александр Гоголев һ.б.лар ансамбльгә иң отышлы номерларын бүләк иттеләр. "Ижевские выкрутасы", "Колибри", "Конфетти" хореография төркемнәре номерлары бәйрәмгә үзенчәлекле төсмер өстәде. Алып баручылар Людмила Галкина, Алла Затирко чара геройларына иң матур теләкләрен шигырь аша җиткерделәр.