Менделеевскида янгын аз зыян белән сүндерелә

2024 елның беренче гыйнварында Глонасс+112 системасына 02 сәгать 54 минутта Яңабирде авылында абзар һәм мунча януы турында хәбәр кабул ителә.
Янгын торак йорт янында чыга. Вакыйга урынына килгән Гадәттән тыш хәлләр министрлыгы хезмәткәрләренең, шулай ук Камайның ирекле янгыннан саклау оешмасы әгъзаларының оператив һәм грамоталы гамәлләре нәтиҗәсендә янгын минималь зыян белән сүндерелде.
Район башлыгының Рәхмәт хаты белән Камай авыл җирлеге башлыгы Илнар Ахунҗановны һәм Камай авылының ирекле янгыннан саклау оешмасы әгъзасы Ранис Ямалетдиновны бүләкләделәр.

Фото-превью : "Татар-информ"