Төркиядә җир тетрәү 284 кешенең һәлак булуына китергән

Төркиядә җир тетрәү нәтиҗәсендә 284 кеше вафат булган, 2,5 меңгә якын кеше зыян күргән дип хәбәр итә РИА Новости Төркиянең вице-президенты Фуат Октай сүзләренә сылтама белән.

Төркиянең Кахраманмараш провинциясендә  иртәнге 04.17 сәгатьтә башланган җир тетрәнүе шәһәрләр җимерелүгә китергән. Җир тетрәүнең магнитудасы 7,4-кә җиткән.

Кахраманмараш провинциясендә җир тетрәүдә 70 кеше һәлак булган, 300гә якын бина җимерелгән. Шанлыурфа провинциясендә 600гә якын кеше зыян күргән.