Халыкара кошлар көненә укучылар «Ушков утраулары» паркында сыерчык оялары элделәр
Ояларны Монайда яшәүче Габтенур Әхмәтшин ясый. Ел саен канатлы дусларыбызга ярдәм күрсәтү инициативасы белән чыга.
— Кош оясы ясау катлаулы түгел. Иң мөһиме — материалларны алдан әзерләргә кирәк, үлчәмнәрен туры китерергә, оя уемы сыерчык иркен рәвештә сыярлык булырга тиеш, — дип билгели ул.
Агымдагы елда Г.Әхмәтшин остаханә түбәсенә өч оя элеп куйган, 15ен укучыларга бүләк иткән. Халыкара кошлар көнендә 2 нче мәктәп укучылары участок урманчысы Әгъмәл Мөхәмәтҗанов белән «Ушков утрауларындагы» каеннарга сыерчык оялары беркеттеләр.
— Кошларга ярдәм итү — игелекле гамәл. Уңайлы оялар канатлылар өчен яхшы йорт булачак, — диде 11 нче сыйныф укучысы Владислав Хөснетдинов.
Следите за самым важным и интересным в Telegram-каналеТатмедиа
Нет комментариев