Ил сагына китә егетләр

1 апрельдән Россия Кораллы көчләренә язгы чакырылыш бара. Ул 15 июльгә кадәр дәвам итәчәк.
Унбишенче май көнне Менделеевск районыннан сигез егет хезмәт итү урыннарына җибәрелде. Шул ук сандагы икенче төркем 27 майда озатылачак. Республика хәрби комиссариатының район буенча гражданнарны хәрби хезмәткә әзерләү һәм чакыру бүлеге начальнигы Сергей Вележев белдерүенчә, солдатлар Көнбатыш хәрби округны тулыландырачак. Хезмәт итү вакытында һәм кичектерүләр мәсьәләсендә үзгәрешләр юк.