Менделеевск яңалыклары
  • Рус Тат
    • Кеше һәм закон

    Балалар белән эшләүдә иң мөһиме – ихласлык

    автор, 3 август 2012 - 04:34
    590
    0
    0

    Район мәдәният йортында Павел Миронов рәислегендә балигъ булмаганнар эшләре комиссиясенең чираттагы утырышы узды. Аның темасы "Тормышта авыр хәлдә калган һәр яшүсмергә иҗтимагый тәрбияче беркетеп, "Остазлык институты"н гамәлгә кертү" булды. Бүгенге көндә бу закон бозган яшүсмерләргә уңай йогынты ясауның бер ысулы. Эчке эшләр бүлегенең балигъ булмаганнар белән эшләү бүлегендә 41 үсмер,...

    Район мәдәният йортында Павел Миронов рәислегендә балигъ булмаганнар эшләре комиссиясенең чираттагы утырышы узды. Аның темасы "Тормышта авыр хәлдә калган һәр яшүсмергә иҗтимагый тәрбияче беркетеп, "Остазлык институты"н гамәлгә кертү" булды.
    Бүгенге көндә бу закон бозган яшүсмерләргә уңай йогынты ясауның бер ысулы. Эчке эшләр бүлегенең балигъ булмаганнар белән эшләү бүлегендә 41 үсмер, 17 уңышсыз гаилә исәптә тора. 30 балигъ булмаган, 46 уңышсыз гаилә (аларда 91 бала тәрбияләнә) комиссия тарафыннан исәпкә куелган.
    Яшьләр эшләре, спорт һәм туризм бүлеге начальнигы Александр Макаров сүзләренчә, бүгенге көндә социаль тискәре күренешләрнең күбесе уңышсыз гаиләләрдә күзәтелә, шуның өчен профилактик эшне дә җәмгыятьнең шушы ячейкасыннан башларга кирәк.
    "Яшүсмерләргә җәмгыять тәрбиячеләре турында" закон Татарстанда 2009 елда кабул ителде. Безнең районда бу өлкәдә уңай эш тәҗрибәсе бар. Утырышта әйтелгәнчә, "Форпост" үзәге директоры Эдуард Суфиев, Социаль хезмәт күрсәтү үзәге хезмәткәрләре Екатерина Кузнецова һәм Ксения Рудакова, 4 нче мәктәпнең социаль педагогы Айсинә Хөсәенова яхшы күрсәткечләргә ирештеләр.
    - Бала белән генә түгел, аның гаиләсе белән дә эшләдек, низагларны бетерергә омтылдык, яшүсмерләр белән профилактик әңгәмәләр үткәрдек, дәресләргә йөрүләрен контрольдә тоттык, укытучы һәм классташлары арасында үзара мөнәсәбәтләрне җайларга ярдәм иттек, - диләр җәмгыять тәрбиячеләре.
    А.Хөсәеновага һәм К.Рудаковага дипломнар тапшырылды.
    Комиссиянең җаваплы секретаре Оксана Шалаумова билгеләп үткәнчә, җәмгыять тәрбиячеләренең эше җентеклелекне таләп итә, исәптә торучы яшүсмерләрнең күбесе социаль куркыныч тудырырга мөмкин. Аларга остазлар шәһәр предпиятиеләре, оешмалары җитәкчеләре арасыннан сайланды, аларга балигъ булмаганнарны реабилитацияләү программасын төзү һәм аны гамәлгә ашыру йөкләнә. Балигъ булмаганнар эшләре бүлекчәсе инспекторы Сергей Метальников бу эшнең кураторы булачак.
    Нәтиҗәдә Валентина Пономаревага, Денис Канахинга, Марат Зариповка һәм Сергей Даниловка җәмәгать тәрбиячеләре таныклыклары тапшырылды.
    - Балигъ булмаганнар белән эшләгәндә ихлас күңелле һәм түзем булыгыз, алар ясалмалылыкны тиз тоялар, моның файдасы булмаячак, - диде комиссия рәисе Павел Миронов.

    Иң мөһим һәм кызыклы язмаларны Татмедиа Telegram-каналында укыгыз


    Теги: Менделеевск яћалыклары Балалар белђн эшлђњдђ ић мљџиме – ихласлык
    Нравится
    Поделиться:
    Реклама
    Комментарии (0)
    Авторизоваться
    Осталось символов:
    © 2011 - 2020. Менделеевск яӊалыклары (Менделеевские новости). Все права защищены.
    © ТАТМЕДИА. Все материалы, размещенные на сайте, защищены законом.
    Перепечатка, воспроизведение и распространение в любом объеме информации,
    размещенной на сайте, возможна только с письменного согласия редакций СМИ.
    При поддержке Республиканского агентства по печати и массовым коммуникациям «ТАТМЕДИА».
    Наименование СМИ: Менделеевск яӊалыклары (Менделеевские новости)
    № свидетельства о регистрации СМИ, дата: ЭЛ № ФС 77 - 73819 от 28.09.2018
    выдано Федеральной службой по надзору в сфере связи,
    информационных технологий и массовых коммуникаций
    ФИО главного редактора: Искандарова Джулия Анатольевна
    Адрес редакции: 423650, Республика Татарстан, Менделеевский р-н, г. Менделеевск, ул. Фомина, д. 20
    Телефон редакции: (85549) 2-14-55
    Электронная почта редакции: paradox_12@mail.ru
    Учредитель СМИ: АО «ТАТМЕДИА»
    Политика о персональных данных
    Антикоррупционная политика
    Телефон АО «ТАТМЕДИА»: (843) 222 09 84
    Яндекс.Метрика ; Рейтинг@Mail.ru
    16+