Менделеевск яңалыклары
  • Рус Тат
  • “Спайслар” белән куркыныч уеннар

    Наркоконтроль хезмәткәрләренең махсус операциясе нәтиҗәсендә Татарстанга төньяк башкаладан синтетик наркотиклар китерүнең бер каналы ябылды. 32 яшьлек Менделеевск кешесе республикада тарту катнашмалары сатуны оештырган. Наркоэшкуар озак вакыт Мәскәүдә яшәгән, беренче зарарлы "спайслар"ны шунда татып караган. Туган ягына кайтып, тормышта юнәлешләре һәм максатлары булмаган балачак дусларын криминалга җәлеп иткән. Аның законсыз эшчәнлек...

    Наркоконтроль хезмәткәрләренең махсус операциясе нәтиҗәсендә Татарстанга төньяк башкаладан синтетик наркотиклар китерүнең бер каналы ябылды.
    32 яшьлек Менделеевск кешесе республикада тарту катнашмалары сатуны оештырган. Наркоэшкуар озак вакыт Мәскәүдә яшәгән, беренче зарарлы "спайслар"ны шунда татып караган. Туган ягына кайтып, тормышта юнәлешләре һәм максатлары булмаган балачак дусларын криминалга җәлеп иткән. Аның законсыз эшчәнлек үзәге туган шәһәрендә булган, ләкин менделеевлы наркотик сатуны Алабугада һәм Чаллыда да көйләргә исәп тоткан. Шул максат белән автошәһәргә үзенең җинаятьтәшен җибәргән, тегесе анда кызы белән күчеп киткән.
    Кыңгыр юлдан йөрүче 29 яшьлек егет героин һәм марихуана кулланган өчен берничә мәртәбә наркополицейскийларга эләгә. Әмма яшь кеше, бу гамәленең ахыры ничек бетәсен тулы мәгънәдә аңламыйча, арендага алган фатирда тарту катнашмалары фасовкалый һәм саклый. Клиентларны ул кулланучылар арасыннан эзли, җинаятьчел наркотөркем әгъзалары үзләре дә "спайс" тарталар. Оператив хезмәткәрләрдәге мәгълүмат буенча, наркотиклар Санкт-Петербургтан китерелә.
    Наркодилерларны тоткарлау өчен җитәрлек дәлил туплап, Татарстанның наркоконтроль хезмәткәрләре махсус операция үткәрә. Аның барышында вакытлыча арендаланган фатирда бер килограммнан артык марихуана һәм куллану өчен әзер 60 доза "спайс" табыла. Наркотикларны законсыз саткан өчен җинаять эше кузгатыла. Шиклеләргә 20 елга кадәр ирекләреннән мәхрүм итү яный.
    Кагыйдә буларак, мондый җинаятьләр җентекләп планлаштырыла һәм системалы характер йөртә, шунлыктан алар авыр һәм аеруча авырлар категориясенә кертелә. Бу проблеманың тагын бер аспекты бар. Россия буенча яңа синтетик наркотик кулланучы яшь кешеләрнең күпләп үлүе күзәтелә. Наркоманнар "спайслар"дан акылларын гына түгел, тормышларын да югалталар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: