Синьор-Помидорның авырлыгы бер килограмм

Минебикә ханымның якыннары сүзләренчә, ул чын бакчачы. Үз участогында тырыш хезмәт куеп зур канәгатьлек хисләре ала. Узган сезонда Минебикә Харисовна мул уңыш үстерде, кыярлары һәм помидорлары берәр килограммга җитте.

 Агымдагы елда да аның мавыгуларының нәтиҗәсе, һава торышының көйсез булуына карамастан, көткәннән дә яхшырак булды. Алтын куллы ижёвкалының бакчасында бар нәрсә дә гөрләп үсә, бу киләчәктә дә шулай булыр дип ышанабыз.

Ә сез, хөрмәтле бакчачылар, укучыларны ничек гаҗәпләндерерсез, үз хезмәтегезнең нинди җимешләрен күрсәтерсез икән? Сезнең фотоларны зур булмаган тексты белән mendeleevskyi.ru электрон адресында көтеп калабыз. Менделеевлылар хезмәтегезнең уңышлары турында белергә тиешләр. Тәвәкәлләгез! Җиңүчеләрне бүләкләр көтә.