Менделеевск яңалыклары
  • Рус Тат
    • Мәдәният

    “Апа-сеңел” уңышлы чыгыш ясады

    автор, 17 ноябрь 2015 - 13:25
    1245
    0
    0

    Гассар исемендәге мәдәният сараенда тулы аншлаг белән Ильмира Нәгыймова һәм Эльмира Сөләйманова концерты булды. "Апа-сеңел" исемле программада артистлар популяр һәм авторлык композицияләрен башкардылар. Концертны яшь җырчы Энҗе Шәрипованың, биюче Дамир Баштановның очкынлы чыгышлары, алып баручы Газинур Фәйзуллинның үтемле юморы тулыландырды. Мәдәният сарае директоры Радик Ахунҗанов артистларга рәхмәт белдерде, аларга иҗат...

    Гассар исемендәге мәдәният сараенда тулы аншлаг белән Ильмира Нәгыймова һәм Эльмира Сөләйманова концерты булды.
    "Апа-сеңел" исемле программада артистлар популяр һәм авторлык композицияләрен башкардылар. Концертны яшь җырчы Энҗе Шәрипованың, биюче Дамир Баштановның очкынлы чыгышлары, алып баручы Газинур Фәйзуллинның үтемле юморы тулыландырды.
    Мәдәният сарае директоры Радик Ахунҗанов артистларга рәхмәт белдерде, аларга иҗат уңышлары теләде. Якташыбыз, автор-башкаручы Ильмира Нәгыймова (рәсемдә уңда) Менделеевск тамашачысына менә нәрсәләр сөйләде.
    Иҗат башлангычы
    - Мин бу сәхнәдә үстем, нәкъ менә сез беренчеләрдән булып минем җырларыма бәя бирдегез. Район бәйгеләрендә катнаштым, республика дәрәҗәсендә сәләтемне сынап карадым. Минем көчемә ышанганыгыз, иҗатка старт биргәнегез өчен рәхмәт. Шигырь һәм җырлар яза башлармын дип уйламаган идем. Беренче авторлык композициямне гомере фаҗигале өзелгән апамның истәлегенә багышладым. Ул искиткеч җырлый, шигырьләр иҗат итә иде, сәләтен миңа биргәндер дип уйлыйм.
    Җырларым турында
    - Алар төрле жанрлы. Мәгънәле шигырьләр яратам, аларга шунда ук музыка уйлап табам. Бүген залда күп җырларымның авторы Ләйсән Гайнетдинова утыра. Ул тумышы белән Турайдан, дуслыгыбыз күптән башланды, алга таба да тыгыз хезмәттәшлектә калырбыз дип өметләнәм.
    Гаиләм турында
    - Тормыш иптәшем, Руслан Кираметдинов, шулай ук җырчы. Яраткан улыбызны үстерәбез, ул күптән түгел балалар бакчасына йөри башлады. Аерым программалар өстендә эшләү карарын бергә кабул иттек. Без әле яшь, иҗат уйлары белән янабыз. Мин дә, ул да сәхнәдә үз билгеләнешебезне, үз тамашачыбызны табарбыз дип ышанам. Русланның хәзер ялгыз концертларлары бара, минем дә эш графигым тыгыз.
    Апам турында
    - Чынлыкта без Эльмира Сөләйманова белән өчтуганнар. Тормышта ул миңа апам гына түгел, дустым, киңәшчем, сердәшчем дә. Бүген дуэт белән башкарган җырлар туганлык һәм иҗат җепләребезне ачып бирә алгандыр.
    Планнар турында
    - Алар күп. Бу программаны без беренче тапкыр Казанда, филармониянең концертлар залында тәкъдим иттек. Әлбәттә, курку да бар иде: башкала тамашачысы ничек каршылар, нинди бәя бирер? Аллага шөкер, барысы да яхшы узды. Сез дә, кадерле якташларым, безне җылы кабул иттегез. Димәк, җиң сызганып эшләячәкбез, безнең иҗатны яратучыларны яңа җырлар белән шатландырачакбыз.

    Иң мөһим һәм кызыклы язмаларны Татмедиа Telegram-каналында укыгыз


    Теги: Менделеевск Менделеевск яћалыклары И.Нђгыймова џђм Э.Сљлђйманова концерты
    Нравится
    Поделиться:
    Реклама
    Комментарии (0)
    Авторизоваться
    Осталось символов:
    © 2011 - 2020. Менделеевск яӊалыклары (Менделеевские новости). Все права защищены.
    © ТАТМЕДИА. Все материалы, размещенные на сайте, защищены законом.
    Перепечатка, воспроизведение и распространение в любом объеме информации,
    размещенной на сайте, возможна только с письменного согласия редакций СМИ.
    При поддержке Республиканского агентства по печати и массовым коммуникациям «ТАТМЕДИА».
    Наименование СМИ: Менделеевск яӊалыклары (Менделеевские новости)
    № свидетельства о регистрации СМИ, дата: ЭЛ № ФС 77 - 73819 от 28.09.2018
    выдано Федеральной службой по надзору в сфере связи,
    информационных технологий и массовых коммуникаций
    ФИО главного редактора: Искандарова Джулия Анатольевна
    Адрес редакции: 423650, Республика Татарстан, Менделеевский р-н, г. Менделеевск, ул. Фомина, д. 20
    Телефон редакции: (85549) 2-14-55
    Электронная почта редакции: paradox_12@mail.ru
    Учредитель СМИ: АО «ТАТМЕДИА»
    Политика о персональных данных
    Антикоррупционная политика
    Телефон АО «ТАТМЕДИА»: (843) 222 09 84
    Яндекс.Метрика ; Рейтинг@Mail.ru
    16+