Менделеевск яңалыклары
  • Рус Тат
    • Мәдәният

    Авыл үзешчәннәре иҗат сезонын ачты

    автор, 12 ноябрь 2014 - 08:10
    1265
    0
    0

    5 ноябрьдә "Юность" район мәдәният йортында авыл мәдәният учреждениеләренең йомгаклау концерты булды. Халык талантлары әзерләгән чыгышларны сагынып өлгергән тамашачы үзешчән артистларны җылы каршылады. Авыл үзешчәннәрен клуб сезоны ачылу белән район башкарма комитеты җитәкчесе Валерий Чершинцев котлады. Сәхнә ветераны, татар җырларын автор-башкаручы Роберт Нәбиуллинга һәм Песәй авылы мәдәният йорты директоры Рафаэль...

    5 ноябрьдә "Юность" район мәдәният йортында авыл мәдәният учреждениеләренең йомгаклау концерты булды. Халык талантлары әзерләгән чыгышларны сагынып өлгергән тамашачы үзешчән артистларны җылы каршылады.
    Авыл үзешчәннәрен клуб сезоны ачылу белән район башкарма комитеты җитәкчесе Валерий Чершинцев котлады. Сәхнә ветераны, татар җырларын автор-башкаручы Роберт Нәбиуллинга һәм Песәй авылы мәдәният йорты директоры Рафаэль Кәбировка мәдәният өлкәсендәге актив эшчәнлекләре өчен һәм юбилейлары уңаеннан Мактау грамоталары тапшырды.
    Концерт программасына Ижёвка авылы мәдәният йортының "Вечёрушки" вокаль ансамбле старт бирде, алар "Субботея" исемле дәртле рус җырын башкардылар.
    - Яхшы җырлыйлар бит, әйеме? Безнең ансамбльгә әле бер ел гына, әмма шушы вакыт эчендә ул авылда гына түгел, районда да танылып өлгерде. Бер генә чара да "Вечёрушки"дан башка үтми, - дип фикерен белдерә Ижёвка мәдәният йорты директоры Алла Затирко.
    Фестиваль хәрәкәте түгәрәгенә Акътәҗек авылы клубының "Памаш", Яңабирдедән "Теремшур", Иске Гришкиннан "Бигәш", Илнәттән "Элнет", Монаштан "Возжайка", Камайдан "Камай сандугачлары", Татар Чаллысыннан "Рождественские напевы", Монайдан "Монай" фольклор ансамбльләре кушыла. Көчле тавышлы җырлар, дәртле биюләр беркемне дә битараф калдырмады.
    Залдагылар Карманководан һәм Турайдан килгән вокаль ансамбльләр чыгышын көчле алкышлап каршылады. Ялгыз номерлар да тамашачыга кәеф күтәренкелеге өстәде. Илназ Галләмов, Роберт Нәбиуллин, Алсу Мусина, Алёна Данилова, Илназ Рабагетдинов, Флүсә Соловьёва, Ришат Кәбиров һәм Надежда Бакаева башкаруында татар һәм рус композиторларының иң яхшы җырлары яңгырады.
    "Балкыш" республика конкурсында катнашкан Николай Щуркин Сергей Михалковның "Доллар һәм сум" исемле мәсәлен укыды.
    Яңабирде авылы мәдәният йорты үзешчәннәре тәкъдим иткән "Удмурт рестораны" исемле сәхнә күренеше залда елмаю тутырды.
    - Мондый жанрның концертта бердәнбер булуы кызганыч. Юмористик чыгышлар программаны бизи. Андыйларның күбрәк булуын теләр идек, - дип уртак фикерләрен белдерде тамашачылар.

    Иң мөһим һәм кызыклы язмаларны Татмедиа Telegram-каналында укыгыз


    Теги: Менделеевск концерт Менделеевск яћалыклары
    Нравится
    Поделиться:
    Реклама
    Комментарии (0)
    Авторизоваться
    Осталось символов:
    © 2011 - 2020. Менделеевск яӊалыклары (Менделеевские новости). Все права защищены.
    © ТАТМЕДИА. Все материалы, размещенные на сайте, защищены законом.
    Перепечатка, воспроизведение и распространение в любом объеме информации,
    размещенной на сайте, возможна только с письменного согласия редакций СМИ.
    При поддержке Республиканского агентства по печати и массовым коммуникациям «ТАТМЕДИА».
    Наименование СМИ: Менделеевск яӊалыклары (Менделеевские новости)
    № свидетельства о регистрации СМИ, дата: ЭЛ № ФС 77 - 73819 от 28.09.2018
    выдано Федеральной службой по надзору в сфере связи,
    информационных технологий и массовых коммуникаций
    ФИО главного редактора: Искандарова Джулия Анатольевна
    Адрес редакции: 423650, Республика Татарстан, Менделеевский р-н, г. Менделеевск, ул. Фомина, д. 20
    Телефон редакции: (85549) 2-14-55
    Электронная почта редакции: paradox_12@mail.ru
    Учредитель СМИ: АО «ТАТМЕДИА»
    Политика о персональных данных
    Антикоррупционная политика
    Телефон АО «ТАТМЕДИА»: (843) 222 09 84
    Яндекс.Метрика ; Рейтинг@Mail.ru
    16+