Бәйрәм кунаклар җыя

Яңабирде авылы халкы кышның соңгы көннәрендә традиция буенча Масленица чарасында катнаша.
Быел да мәдәният йорты директоры Майя Антонова әзерләгән бәйрәмгә яше дә, карты да килде.
Таудан шуу, атта түгәрәк әйләнү, кар йомарламы белән бәрешү, Кыш бабай ясау кебек кышкы уеннар күпләрне җәлеп итте. Конкурс-ярышлар ансамбльләр чыгышы, җыр-биюләр белән аралашып барды. Әлбәттә, карачкы яндыру бәйрәмнең кызыклы мизгеле булды.
Шундый ук күңел ачу чаралары Иске Гришкин, Сәйтәк авылларында да оештырылды.