Мәдәният
Халыкара фестивальдә катнашып гран-при яулады.
Булдырасың, "Кристалл"! "Кристалл" эстрада бию ансамбле коллективы Болгариянең "Кояшлы яр" зонасында үткәрелгән "Бәхет планетасы" исемле Кызлар һәм малайлар 10 июльдә ике атналык сәфәрдән туган якларына кайттылар. Биючеләрне С.Гассар ис. мәдәният сарае директоры Л.Галиева, балаларның ата-аналары, туганнары һәм дуслары түземсезлек белән көтеп алды. - Минем өч оныгым бию серләренә өйрәнә. Көн...
Булдырасың, "Кристалл"!
"Кристалл" эстрада бию ансамбле коллективы Болгариянең "Кояшлы яр" зонасында үткәрелгән "Бәхет планетасы" исемле
Кызлар һәм малайлар 10 июльдә ике атналык сәфәрдән туган якларына кайттылар. Биючеләрне С.Гассар ис. мәдәният сарае директоры Л.Галиева, балаларның ата-аналары, туганнары һәм дуслары түземсезлек белән көтеп алды.
- Минем өч оныгым бию серләренә өйрәнә. Көн дә телефон аша хәбәрләшеп, хәлләрен белешеп тордык. Исән-имин кайтуларына сөендек, - ди Мария Досманова, шатлыгы белән уртаклашып.
Шәһәрдәшебез Сания Галиева оныгын каршы алды.
- Руслан 5 яшьтән бию ансамбленә йөри. Концертларны бер дә калдырмыйм. Сәхнәдә үз-үзен тотышы, күз иярмәслек хәрәкәтләре, осталыгы белән горурланам. Барлык ата-аналар исеменнән остазлары А.Рябовага балаларыбызда биюгә мәхәббәт тәрбияләве, фидакарь хезмәте өчен зур рәхмәтләребезне белдерәбез, - ди Сания ханым.
ТРның атказанган мәдәният хезмәткәре А.Рябова фестивальгә бар көчләрен салып әзерләнүләрен, тырышлыкларының юкка булмавын билгеләп үтте. Анна Александровна бәйгедә катнашучы балаларга дипломнар тапшырды.
- Фестивальдә Мәскәү, Украина, Белорусия һ. б. илләрдән биючеләр бар иде. Безне Харьков шәһәрендә узачак бәйгедә катнашырга чакырдылар, - ди А.Рябова.
Сәяхәттән алган тәэсирләре белән ансамбльдә шөгыльләнүче Руслан һәм Владик Зубцовлар уртаклаштылар:
- Безгә Кара диңгез буенда ял итү ошады. Башкаларның иҗади осталыгын күреп, үзебезгә тәҗрибә тупладык, яңа дуслар таптык. Ата-аналарга, җитәкчеләребезгә рәхмәт. Чит җирләр матур булса да, безнең шәһәрдән дә яхшысы юк!
Менделеевск районы данын еракларга җиткерүче, халыкара дәрәҗәдә үзен профессиональ яктан танытып, зур җиңүгә ирешүче А.Рябованың хезмәте бәяләп бетергесез. Булдырасың, "Кристалл"!
Следите за самым важным и интересным в Telegram-каналеТатмедиа
Нет комментариев