Менделеевск яңалыклары
  • Рус Тат
    • Мәдәният

    Җир гүя кисәтә, аны саклау безгә васыять...

    автор, 4 апрель 2013 - 13:37
    1161
    0
    0

    Вәсилә Мортазина 3 нче мәктәп укытучысы Анна Орлова язган шигырьдән бу юллар XII район халык иҗаты фестивалендә мәгариф хезмәткәрләре концертының девизы булды. "Юность" район мәдәният йорты фойесында теләгән кешегә декоратив-гамәли иҗат үрнәкләре белән танышу мөмкинлеге бирелде. Чара Җир планетасы турында видеофильм белән башланды. Коррекция мәктәбе педагоглары үз чыгышларын иҗади якын...

    Вәсилә Мортазина
    3 нче мәктәп укытучысы Анна Орлова язган шигырьдән бу юллар XII район халык иҗаты фестивалендә мәгариф хезмәткәрләре концертының девизы булды.
    "Юность" район мәдәният йорты фойесында теләгән кешегә декоратив-гамәли иҗат үрнәкләре белән танышу мөмкинлеге бирелде. Чара Җир планетасы турында видеофильм белән башланды.
    Коррекция мәктәбе педагоглары үз чыгышларын иҗади якын килеп әзерләгәннәр, мода буенча киенгән әби-бабайлар биегән шаян композиция Тын Тау бистәсе көнкүрешен тасвирлады. Әйтерсең, педагоглар өчен мөмкин булмаган эш юк: коммуналь хезмәткәрләрнең униформасын кигән егетләр брейк-данс биеде, Җамалиевларның гаилә дуэты (1 нче мәктәп) агачлар турында җыр башкарды, 7 нче мәктәп вәкилләре "Зәңгәр шәл" спектакленнән өзек куйды, Фәния Фәррахова һәм Алия Әхмәтгәрәева үзләре иҗат иткән шигырьләрен укыдылар.
    Авыл мәктәпләре коллективлары да фестивальдә актив катнашты. Татар, мари, удмурт, рус телләрендә җырлар яңгырады. Эльвира Абрамова (10 нчы балалар бакчасы), Ольга Камашева (Иске Гришкин мәктәбе), Олеся Ибраһимова (13 нче балалар бакчасы), Валера Замятин (6 нчы балалар бакчасы), Людмила Гинниатуллина (8 нче балалар бакчасы), Айгөл Иванова (Песәй мәктәбе), Тамара Абрамова (Илнәт мәктәбе), Гөлнар Төхвәтова (7 нче балалар бакчасы), Марианна Кузнецова (1 нче мәктәп) башкарган җырларны тамашачы яратып кабул итте.
    6 нчы мәктәпкәчә мәгариф учреждениесе тәрбиячеләре язгы наз белән сугарылган музыкаль композиция әзерләгән. 1 нче гимназиянең педагогик коллективының шәмнәр белән биюе тамашачыны таң калдырды.
    "Радуга дождя", "Чудо-земля", "Взгляни на эту землю с высоты" - балалар бакчалары ансамбльләре башкарган бу җырлар халык иҗаты фестивале темасына тәңгәл килде. Бәзәкә мәктәбе укытучылары әзерләгән "Студент һәм профессор" сәхнә күренеше концертның бизәге булды. Кичәне алып баручы Рөстәм Зарипов (иҗат үзәге) авторлык җырын башкарды. "Очарование" коллективы шәкертләре "Салават күпере" хореографик композициясен бүләк иттеләр.
    Мәгариф идарәсе начальнигы урынбасары Наталья Зырянова һәм концертны алып баручы Линиза Исмәгыйлова катнашучыларга Рәхмәт хатлары тапшырдылар.

    Иң мөһим һәм кызыклы язмаларны Татмедиа Telegram-каналында укыгыз


    Теги: Менделеевск Менделеевск яналыклары XII район халык иќаты фестивалендђ
    Нравится
    Поделиться:
    Реклама
    Комментарии (0)
    Авторизоваться
    Осталось символов:
    © 2011 - 2021. Менделеевск яӊалыклары (Менделеевские новости). Все права защищены.
    © ТАТМЕДИА. Все материалы, размещенные на сайте, защищены законом.
    Перепечатка, воспроизведение и распространение в любом объеме информации,
    размещенной на сайте, возможна только с письменного согласия редакций СМИ.
    При поддержке Республиканского агентства по печати и массовым коммуникациям «ТАТМЕДИА».
    Наименование СМИ: Менделеевск яӊалыклары (Менделеевские новости)
    № свидетельства о регистрации СМИ, дата: ЭЛ № ФС 77 - 73819 от 28.09.2018
    выдано Федеральной службой по надзору в сфере связи,
    информационных технологий и массовых коммуникаций
    ФИО главного редактора: Искандарова Джулия Анатольевна
    Адрес редакции: 423650, Республика Татарстан, Менделеевский р-н, г. Менделеевск, ул. Фомина, д. 20
    Телефон редакции: (85549) 2-14-55
    Электронная почта редакции: paradox_12@mail.ru
    Учредитель СМИ: АО «ТАТМЕДИА»
    Политика о персональных данных
    Антикоррупционная политика
    Телефон АО «ТАТМЕДИА»: (843) 222 09 84
    Яндекс.Метрика ; Рейтинг@Mail.ru
    16+